________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२०२]
[१र्ष १५
શ્રી જેન સત્ય પ્રકાશ तह सस्थवाहभज्जा भद्दा भईमि सद्दविसयंमि । गिद्धा गिहाउ पडिआ सिणेहनाडिआ गया निहणं ॥१०॥ महुरावणिओ रूवे देवीसंगुट्ठदंसणे गिद्धो । पाहुट्टधम्मकम्मो किलिट्टकम्मो गओ नरयं ॥११॥ गंधप्पिओ कुमारो कीलंतो नइ जलंमि सेच्छाए । विसगंधेहिं निहिओ सवक्किमायाइ मायाए:॥ १२ ॥ सोदासनामनिवई पावो माणुस्समंसरसलोको । इह लोए रज्जाओ भट्ठो अ भवे पणट्ठो अ ॥ १३ ॥ सुकुमालियाइ भत्ता फासिदिअगिद्धिपरवसो निवई । चुक्को रज्जसुहाभो अडवीइ दुहं बहुं पत्तो ॥ १४ ॥ अइचंगो ललिअंगो निवरमणीरमणरइअमणरंगो। वसिओ अमेज्झकूवे नरयसरूवे चिरं कालं ॥ १५ ॥ मुक्कलमामसपसरा किच्चाकिच्चाइकज्जपरिमूढा । माई भइणि धूअं विसयपसत्ता निसेवंति ॥ १६ ॥ किं वा विसयपरवसा अकज्जासज्जा अईवनिल्लज्जा। सिट्ठजणगरहणिज्जं अगम्मगमणाइं न कुणंति ? ॥ १७ ॥ कामंधनिधिवेआ पापा मारंति भायर मित्त । पुत्तं भत्तारं पि हु अहो! दुरंतो विसयसंगो ॥१८॥ जपंति अलिअवयणं मुसंति लोअं धणस्स लोभेण ।। किं बहुणा सव्वाइं पावाइं कुणंति कामंधा ॥ १९ ॥ संसारभमणकरणा विसया विसए विसेविया पावा।। दुक्खाइं अविसए पुण इहयं पि हु दिति णेगाई ॥२०॥ संपइदंसी मुद्धो विसर्यविलुद्धो विणस्सए तुरिअं । करिदेहमंसगिद्धो व्य वायसो जलहिजलमज्झे ॥ २१॥ महुबिंदुसायसरिसे सुतुच्छविसएसु लालसामूढा । नाणाविहाइं विसहति दुक्खलक्खाइं तिक्खाई ॥ २२ ॥ जह कागिणीइ कजे मूढा हारंति रयणकोडि पि । तह विसयसुहे बद्धा मुद्धा हारंति सिवसुक्खं ॥ २३ ॥ सुबहुं पि हु तवचरणं हारइ विसयाभिलासमेत्तेण । कंडरिउ व्व विमूढो दुट्ठ अहो ! विसयपरिणामो ॥ २४ ॥
For Private And Personal Use Only
