________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
વિકમ-વિશેષાંક સંબંધી એક વધુ અભિપ્રાય
« શ્રી જૈન સત્ય પ્રકાશ !” માત્ર જૈન કામમાં જાણીતા માસિકે આ વર્ષે * વિકમ વિશેષાંક ” પ્રગટ કરી ઐતિહાસિક સામગ્રીમાં કેટલીક નવી હકીકતો રજૂ કરી છે. મુનિ શ્રી દર્શનવિજયજીને, “સમ્રાટ વિક્રમાદિત્ય’ તેમાં વિશેષ દયાન ખેંચે છે. સમ્રાટ વિક્રમાદિત્ય કોણ તેનું નિરસન તેમણે શાસ્ત્રીય પદ્ધતિએ કર્યું છે. આ જ અંકમાં એ જ તેમના બીજે લેખ “ ભારતીય ઇતિહાસ અને જૈનાચાર્ય કાલક ” છે. જેનામાં ગણ્યાગાંઠયા વિદ્વાન સાધુએ છે. મુનિ શ્રી પુણ્યવિજયજી પછી તરત કોઈ વિદ્વાન સાધુ તરફ નજર પડતી હોય તો તે મુનિશ્રી દશનવિજયજી. તેમની પાસે અતિહાસિક દષ્ટિ છે, તેમાં કેમીય છાંટ નથી, એટલે તેમના લેખા અભ્યસનીય થઈ રહે છે. ”
- ગુજરાતી પંચ' સાપ્તાહિક, અમદાવાદ, તા. ૬-૮-૧૯૪૪
પૂજ્ય શ્રમણ-સમુદાયને વિજ્ઞપ્તિ કાગળની કારમી મોંઘવારી અને છાપકામના વધતા જતા દરે વચ્ચે, બહુ જ મર્યાદિત આવકમાં પણ, ‘શ્રી જૈન સત્ય પ્રકાશ” ધીમે ધીમે પોતાની મજલમાં આગળ વધી રહ્યું છે. પણ એને વિશેષ સમૃદ્ધ અને સંપન્ન બનાવવા માટે વધુ આર્થિક મદદની જરૂર છે.
આ માસિક શ્રમણ પ્રધાન ચતુર્વિધ સંઘ સમસ્તનું માસિક છે. એટલે જે મમતા અને પ્રેમથી તેમણે આ માસિકનું અત્યાર સુધી પોષણ કર્યું છે, તેથી વિશેષ મમતા અને પ્રેમથી એને સહાયતા કરવાની જરૂર ઊભી થઈ છે. આથી અમે સર્વ પૂજ્ય આચાર્ય મહારાજ આદિ મુનિવરોને વિનંતી કરીએ છીએ કે તેઓ ચતુર્માસ દરમ્યાન પર્યુષણાદિ મહાપના પ્રસંગે માસિકને મદદ કરવાને ઉપદેશ આપવાની અવશ્ય કૃપા કેરે.
—વ્યવસ્થાપક
For Private And Personal Use Only
