________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीविहरमाणतीर्थपति स्तोत्रम् । कर्ता-आचार्य महाराज श्री विजयपद्मसूरिजी
(गतांकथी चालु)
[ आर्यावृत्तम् ] चप्पे परविजयाए, जंबुद्दीवे महाविदेहम्मि । सुद्दढसुयारातणए, जुगमंधरतित्थए वंदे ॥ ११ ॥ पियमंगलारमाए, णाहं गयलंछणं जिणेसाणं । जुगमंधरतित्थवई, सरेमि मणथिजभावाओ ॥ १२ ॥ वरवच्छसुसीमाए, जंबुद्दीवे महाविदेहम्मि । सुग्गीवरायविजया-तणयं बाहुप्पहुं वंदे ॥ १३ ॥ मियलंछणलच्छीयं, सीलालंकारमोहिणीणाहं । तित्थेसरसिरिबाहुँ, परमुल्लासा पणिवयामो ॥ १४ ॥ जंबुद्दीवविदेहे, विजयनलीणावईअजोज्झाए । णिसहभुणंदातणयं, कइलंछण किंपुरीसेसं ॥ १५ ॥ लोगुत्तमस्सरूवं, झाणाईयं सजोगिगुणठाणे । पडिबोहियभव्वगणं, सुबाहुतित्थेसरं वंदे ॥ १६ ॥ सुहपुक्खलावईए, विजए वरपुवधायईखंडे । पुंडरगिणिणयरीए, तणय सिरिदेवसेणाए ॥ १७ ॥ णिवदेवसेणपुत्तं, जयसेणाहिययवल्लहं धीरं । रविलंछणं सुजाय, णिच्चं पणमामि तित्थयरं ॥ १७ ।। णवमीविजएचप्पे विजयाणयरीइ मंगलाजणणिं । जिणयसयंपहणाहं, णिवकित्तिगयप्पयं सरभो ॥ १९ ॥ ससहरलंछणसोहं, पियसेणावल्लहं विगयरायं । छटुं नममि जिणेसं, पुव्वगए धायईखंडे ॥ २० ॥ वच्छे विजए पुग्वे, उरीसुसीमाइ धायईखंडे । कित्तिहरस्सरमाए, वरतणयं वीरसेणाए ॥ २१ ॥ सीहज्झयतित्थयरं, जयावईवल्लहं विमलनाणं । उसहाणणमरिहंतं, वंदे बहुमाणविणएहिं ॥ २२ ॥ नलिणावईसुविजए, एवमजोज्झाइ जणयमेहरहं । वरमंगलावईए, तणयं गयलंछणं जिणयं ॥ २३ ॥ विजयावईरमेसं, अणंतवीरियजिणेसरं सययं । थुइगोयरं कुणामो, पच्चूसे परमरंगेणं ॥ २४ ॥ वरपुक्खलावईए, विजए पच्छिमयधायईखंडे । पुंडरगिणिणयरीए, तणयं सिरिविजयविजयाणं ॥ २५ ॥ चंदंकणंदसेणा-णाहं भवसायरे महापोयं । सत्तियसासयमोयं, वंदे सूरप्पहं सययं ॥ २६ ॥
(अपूर्ण)
For Private And Personal Use Only
