________________
विरमालिअ संसारे, जेण पडिक्खाविआ समय-सत्था। जयइ सुधम्मो तच्छिअ-कम्मो चच्छिअ-कुतित्थि-मओ ॥३९।। सिव-रम्पण-मिच्छा-दिट्ठि-रम्फणो तक्खिऊण अवमग्गे। विअसाविय सिद्धन्तो, भयवं जम्बू-मुणी जयए॥४०।। कोआसिअ-गहिअवओ, दर-वोसट्रिअ-सरोज-हसिर-महो। अणगुञ्जाविअ-स-कुलो, भयवं पहव-प्पहू जयइ ॥४१॥ अणडिम्भन्त-ल्हसाविअ-कुतित्थिअं थिरमसंसि जिण-वयणं । जर-मरण-वोज्जिराणं, भव-डरिआणं हरउ तासं ।।४२।। सो वज्जइ न भवाओ, गुरूहि साहूहिं णुमिअ-सम्मत्तो। णिमिअ-मणो जिण-समए, कया वि जो न हु पलोट्टेइ ।।४३।। पल्लटिअ-पावा पल्हत्थिअ-कलिणो अनीससण-जोग्गे। विग्घे वि अझङ्खिरया, णिल्लसिअ-जिणागमा हुन्ति ।।४४।। ऊसलिअ-गुणोसुम्भिअ-संजम-पुलआअमाण-हिअयस्स। गुज्जोल्लिअ-जिण-वयणस्सारोअइ कस्स नो नाणं ।।४५।। उल्लसिअ-भिसन्त-सिरी, भासिर-नाणेण गसिअ-मिच्छत्तो। मोहाघिसिअ-विवेओ, जिण-मयमोवाहए धन्नो ।।४६।। ओगाहिअ-जिणवयणो, गुण-ठाण-वलग्गिओ चडइ मुक्खं । भव-सुह-अणगुम्मडिओ, अगुम्मिओ मोहणिज्जेहिं ।।४७।। अहिऊलइ कम्म-गणं, आलुङ्खइ इन्धणं जहा डहणो। वलणिज्ज-हरण-बुद्धी, गिण्हन्तो भयवओ वयणं ।।४८।। पङ्गिअ-संजम-भारा, निरुवारिअ-पवयणे अणुसरन्ता। अहिपच्चुअन्ति मुत्तिं, जोइं घेत्तूण सील-धणा ।।४९।। गेण्हिअ वयाइँ घेत्तुं, घेत्तव्वं वोत्तुमवि अ वोत्तव्वं । जे उज्जआ खु ताणं, वोत्तूण गुणे कयत्थु म्हि ।।५०।। भोत्तूणं भोत्तव्वं, भोत्तुं निव्वुइ-सुहाइँ मोत्तु-मणा। मोत्तव्वारम्भं मोत्तूण महन्ता तवस्सन्ति ।।५१।। सोअ-वसा रोत्तूण वि, रोत्तू-मणा विम्हरन्ति रोत्तव्वं । दठूण जाण मुत्तिं, अरहन्ताणं नमो ताणं ॥५२॥
66
