________________
जस-ओअग्गिअ-तिहुअण तेण कया भत्ति-वाविअ-मणेण । असमाणिअ-गुण वरं समाविउं तुज्झ विन्नत्ती ॥९५।। तइ पेल्लिओ तुरुक्को, ढिल्ली-नाहो गलत्थिओ तह य । अड्डक्खिओ अ कासी रिउ-घत्तण छुह महाएसं ॥९६॥ सोल्लिज्जइ जह लुद्धो, तह मं णोल्लेसु रिउ-हुलण-कज्जे । कं कं परीसि न तुम किण वि खिविआ न तुज्झाणा ॥९७॥ गुलगुंछिऊण हत्थं उत्थंघिअ तज्जणि भणामि इमं ।। हक्खुविअं तुमए च्चिअ मह दुग्गं वेरि-उक्खिवण ॥९८॥ अल्लत्थिअ-विजय-धजा उब्भुत्तिअ-गुरुकरा तुहं करिणो । उस्सिक्कंति गिरि पि हु रिउ-णीरव कं न अक्खिवसि ॥१९॥ कमवसइ जुण्ण-कोलो लुट्टइ सेसो सुअंति दिक्करिणो । कुम्मो वि लिसइ अणवेविरम्मि तइ पहु मही-धरणे ॥१००॥ . आयंबमाण-हिअया आयझंतीउ विलविरा रणे । झंखंत-सिसू तुह रिउ-वहूउ दइए वडवडंति ॥१०१॥ मय-लिपिअ-वसुहा तुह न णडंति गया विरंति न य तुरया अणगुप्पंत-परक्कम अवहावसु को तुह दुइज्जो ॥१०२॥ संदुमइ घरं संधुक्कइ पुरमब्भुत्तए तहोज्जाणं । तुज्झ पयावग्गि-पलीविआण सव्वं पि तेअविअं ॥१०३॥ जइ संभावसि सग्गे लुब्भसि अह अहिंद-लोगम्मि । खउरइ इंदो पड्डहइ वासुगी ता खु अक्खोह ॥१०४॥ आरभिअ मए भत्तिं आढविअं पहु तुमम्मि दासत्तं । आरंभिअं खु निव्वाहिस्सं कत्तो उवालंभो ॥१०५॥ पच्चारंति न गरुआ झंखण-जोग्गे वि मारिसम्मि जणे । जइ कह वि अभत्तो हं वेलवणिज्जो तुह अहं ता ॥१०६।। इअ विन्नत्तिं सोउं राया जम्भायंत-जणम्मि निसीहे । लच्छि-विअंभिअ-णिसुढिर-सयणे णिव्वाओ लोअण-वीसामे ॥१०७॥
१२२
