________________
अम्हेहिं समं विसयसुहं च माणेसि । न य कामयसावणं विणा देविड्डी पाविज्जइ । ता जं किंचि आजम्माओ सुहमसुहं बा चेट्ठियं तं सव्वं पि संकित्तेसु संपयं' ।।
एत्थंतरंमि य लोहखुरेण सुमरिउं तं सूरिसाहियं सुरलक्खणगाहं चिंतियं च - 'नऽनहा जिणभासिय'ति निउणं निरूवियाओ वेसाओ, जाव मिलायंति तासिं मल्लदामाणि, कुणंति निमेसुम्मेसे लोयणाणि, पसरइ सरीरे पस्सेओ, छिवंति भूमि चलणा। तओ लोहखुरएणं - 'नेयाओ नूणं देवयाओ। ता सव्वहा भवियव्वमणेणाऽभयकुमारस्स केणाऽवि कवडेणं'ति निच्छिऊण भणियं - 'सुंदरीओ ! न मए आजम्माओ इहलोयपरलोयविरुद्धं किंचि कयाइ आयरियं । कओ दाणाइधम्मो चेवाऽऽजीवियं । न लग्गइ मे मणो तुमासु ता अण्णं कंचि सामिपुरिसं गवेसह तुब्भे' वेसाहिं वि बहुविहालीयवयणविण्णासेण जाहे न सक्किओ सो छलिउं ताहे नयरं पविसित्तु साहियं जहावट्ठियमभयस्स । ____ लोहखुरओ वि उज्जाणाओ आगओ सभवणं भावेंतो य 'सव्वमेयं रायविलसियं । परं रक्खिओ अहं महावसणसंकडाओ जिणवयणगाहाए । ता जत्थेक्कस्स वि पयत्थस्सेत्तियं माहप्पं, सो चेव मए जिणधम्मो सेवियव्वो'त्ति निवण्णो सयणिज्जे । वोलीणा रयणी । पहाए य गओ साहुसमीवं पच्चक्खिअं च तदंतिए जावज्जीवं चोरत्तणाओ परजुवईमेहुणसेवणाओ य । गहिया ससम्मत्ता देसविरई । ___ एत्यंतरे तत्थेवाऽऽगओ अभयकुमारो । वंदिउं च सो विहिणा, साहुणा कयपच्चक्खाणो उवविट्ठो धरणियले । लोहखुरेण य तस्सुट्ठिऊण कयं वंदणयं । अभयकुमारेण वि तम्मुहं पलोइऊण 'किमेयं ?'ति भणिए साहिओ साहहिं तव्वइयरो । तं च सोऊणाऽभएण वंदणं दाउं भणिओ सो - 'भद्द ! अप्पमाओ सीलव्वएसु कायव्वो' । लोहखुरओ वि ‘एवं'ति वोत्तुं पालियसावयधम्मो गओ देवलोयं ।।
१२१
