Nandanvan Kalpataru 2016 06 SrNo 36

SR No.: 521036
Original Sutra Author: N/A
Author: Kirtitrai
Publisher: Jain Granth Prakashan Samiti
Publication Year: 2016
Total Pages: 130
Language: Sanskrit, Prakrit
Classification: Magazine, India_Nandanvan Kalpataru, & India
File Size: 9 MB

Page 126

सा य बुद्धसिरी दुस्सीला जाया । कालुओ य तग्गिहं विसेसेण रक्खेइ । तं च नाउं पउमसिरी भणइ - 'कीस तुमं निग्गमिज्जमाणो वि तग्गिहं यासि ? विरुद्धाए एयाए विणासिज्जिहिसि' । कालुओ न थक्कइ त्ति बुद्धसिरीए दटुं तस्सुण्हकंजिएण मुहं । सो खिक्खियंतो गओ पउमसिरिघरं । तीए वि तहा दटुं भणिओ - 'मए वारिओ तुमं न थक्को । संपयं पुण नियकुकम्माणि उइण्णाणि त्ति भावेंतो मा तीए उवरिं पओसं वहेज्जासु, करेसु य अणसणं पंचनमोक्कारमिमं झायंतो जेण सुगई गच्छसि' । मण्णिए य तंमि निज्जामिओ पउमसिरीए कालं काउं गओ देवलोयं । तत्थ य 'किं मए कयं जेणेरिसी देविड्डी पत्त ?'त्ति पउत्तावही पेच्छइ विहिमरणं ।
धणो वि तया पडिनियत्तो समुद्दमझे पवहणेणाऽऽगच्छइ । तस्स य दरिसेइ सुणहरूवं कालुयदेवो । तं च दलृ 'कर्हि एत्थ कालुओ ?' त्ति चिंतइ जाव धणो ताव दरिसियं देवरूवं । पुच्छिओ एसो - 'किमेयं ?'ति धणेण, साहइ से जहावत्तं । तओ भणियं धणेण - 'आसि किंचि जम्मंतरनिमित्तं तुम्हं न वा ?' कालुयदेवो भणइ - 'साहेमि, सुण । अहं कालुयभवाओ पच्छिमे जम्मे गिरिनयरे मिच्छदिट्ठी मणुस्सो आसि । बुद्धसिरी पउमसिरी दुवे य मे भज्जाओ । तासिं च पढमा तब्भवे वि दुस्सीलाऽऽसि त्ति पिट्टिऊण मए नीसारिया गिहाओ । बीया उण साविय त्ति कयाइ धिज्जाइयाणमदाउं पढम चिय साहूणं भत्तपाणं देइ । तओ अंबाडिया मए, अणसणं काउं मया तुहेसा जाया पउमसिरी भज्जा । पढमा उण मरित्ता जाया बुद्धसिरी । पुणो वि दुस्सील त्ति मच्छरिओऽहं मारिओ तीए । जम्मंतराणुरत्तो य नियामिओ पउमसिरीए देवो जाओ । अमोहं च देवदरिसणं, ता करिस्सं तीसे पच्चुवगारं' ति वोत्तुं समप्पियं तेण पउमसिरीनिमित्तं धणस्स दिव्वमाभरणं । तओ गओ सट्ठाणं देवो ।
धणो वि पहुत्तो कमेण नियनयरं तेणाऽऽभरणेणाऽलंकारेइ पउमसिरिं । तं च दटुं विम्हिओ जणो धणं पुच्छइ - 'कुओ ते संपन्नमिमं दिव्वाभरणं' ? धणेण वि साहिया सव्वा वि कालुयदेवाइवत्तव्वया । तं च सोउं मया लोगेण य पडिवन्नो जिणधम्मो । तेण वंसं वाएमि । ता तुमं पि सच्चं नच्चसु' त्ति । पउमसिरि त्ति गयं ।
अमया भणइ - 'सव्वमलीयमेयं सव्वेहिं तुब्भेहिं जंपियं ति न मन्नामि' । जिणदासो भणइ - 'कहं ?' सा भणइ - ‘जइ सच्चं होतं ता तुब्भे घरवासे न अच्छंता' । जिणदासो भणइ - 'जमम्हेहिं साणुभवं साहियं तं तए वि सुयं । ता तुमं किं पव्वइहिसि ?' सा भणइ - 'कीस न पव्वइस्सामि ?' जिणदासो भणइ 'अम्हे वि पव्वइस्सामो' । ___ सोउं चे सेणियाभयकुमारा हरिसिया तप्पव्वज्जागहणसमयजाणणत्थं तत्थ ठाविऊण पच्छनपुरिसे गया सट्ठाणं । पभाए य जिणदासो काऊण महारिद्धीए पाभाइयपूयं दाउं च जहोचियं धण-धन्नाइं सह अट्ठ भज्जाहिं पयट्टो उज्जाणसंठियसंतिसूरिसमीवं । एत्थंतरंमि य नियत्तपुरिसजाणाविएहिं सेणियाभयकुमारेहिं
११९