________________
Jain Education International
प्राकृत-विभाग: (
श्रीमहावीरजिणथुई ते धन्ना जेहि दिट्टो सि
मुनिरत्नकीर्तिविजयः
तु नामग्गहणेण वि, धन्ना हवंति जीवा महावीर ! | किमेत्थच्छेरयं जं, 'ते धन्ना जेहिँ दिट्ठो सि' ॥ १ ॥
हरिउमिंदस्स संकं, निच्चलो वि चालिओ तए मेरू 1 जातमित्तेण वि तया, ते धन्ना जेहिं दिट्ठो सि ||२||
बालत्तणे वि पंडिय-संसए हरंतो, थुणिज्जंतो य । 'अहो नाणि' त्ति जणेहि, ते धन्ना जेहिं दिट्ठो सि ||३||
वरिसदुगं गिहवासे, वि पडिमं धरिऊण जं निस्संगं । वसिओ समणुव्व तया, ते धन्ना जेहिं दिट्ठो सि ||४|| निग्गंतूण घराओ, चइऊण सव्वसंगमेगागी । दिक्खिओ य तया णाह !, धन्ना जेहिं दिट्टो सि ||५||
' तित्थयरा हि सहायं, घोरुवसग्गे वि न लहंति कस्स वि' । इंदमिति निसेतो, ते धन्ना जेहिं दिट्ठो सि ||६|| निहं सव्वजणाण-मविगणिय वि चंडकोसिअं घोरं । पडिबोहेउं करुणा - यर ! गओ तुमं महासत्तो ||७||
पच्छा दुज्झाणाओ - वि रक्खिऊण तं पंचदसदिणाणि । तत्थेव ठिओ य, तया, ते धन्ना जेहिं दिट्ठो सि ||८|| जुम्मं ॥
उवसग्गअस्स वि तुज्झ, नयणजुयलं किवाए झरियं जं । संगमस्स कए तया, ते धन्ना जेहिँ दिट्ठो सि ||९||
सीयले पउंजिय, गोसालो रक्खिओ य जया णाह ! । तेउलेसाओ तया, ते धन्ना जेहिँ दिट्ठो सि ||१०||
८०
For Private & Personal Use Only
www.jainelibrary.org
