Page Text
________________
Vol. XXIV, 2001 गण्डस्स कहाणयं
133 वंकचूलि जावओ भणंति उट्ठिया तेण वि सद्देण नाया । हा मज्झ भगणी एसा । जं न वावाईया एसा । तेणं पुच्छिया-किमेयं ? कहेइ तहट्ठियं । सा भंडेहिं मग्गिया पच्छा मए वि दिटुं । मा तुज्झ छिदं लहिऊण वइरियाणं कहिस्संति जहा सुन्नाया पल्ली एएणं कारणेणं मए नच्चाविया भंडा तहेव सुत्तासने वच्छाभाउज्जासमं तं सोऊणं वंकचूलेण चिंतियं-धन्नो सो चेव आयरिओ जेण मम दिन्ना नियमा मरंतो अहं जीवाविओ । भगिणी वि सहोयरा मज्झ । एवं सो चिंतिऊण बहुविहं सुत्तो आवासए । सए भगिणीभज्जाओ घित्तूण उज्जेणी पत्थिओ, पविट्ठो नयरीए कमेणं, एगस्स वाणियगस्स भवणे आसयं मग्गिऊण भगिणी भज्जा पसुत्ता । तत्थ सो वंकचूलो तहिं च नयरे हिंडए रत्ताए दक्खो इन्भयरे खत्ताई खणंतो बलेण न दीसइ आरक्खिय दंडवासिएहिं पयापविट्ठाए वच्चइकालो ।
अह चिंतियं तेण नराहिवस्स भवणे पविसिऊण छलेण रयणाई महग्घमुल्लाइं घित्तूण हिरनं सुवनं कंसं च गिण्हामि जेणाहं ईसरो हवामि । देसकाले पत्तो वरिसकाले । पढमपाउसो वुट्ठो सोहइ ददुर गोपनवमालो मोरा नच्चंति भसलमाला नच्चंति । इयारिसे वरिसयाले वंकचूलो गंतूण अडवीए गोहा घित्तूण आणिया स गेहे । सिक्खविया कलाओ रज्जूहिं तओ स्नभंडियं रायगिहं सत्त तलमहातुंगं धवलहरं सा गोहपुच्छिरउ बंधिऊण खित्तो अट्टाले विहडकडा पत्तालेण निप्फिडिया तओ चडिओ छोडिय पुच्छं पविट्ठो उवरिल्ले पासाए जाव पिच्छइ दिवा उज्जोयमाणा रयणपज्जलंती । सचित्तकामुज्जलं च देवयमुत्तिएहिं उल्लोवियं तत्थ अणेगाभरणेहिं विभूसियसरीरा दिट्ठा एगा दिव्व-मणोहारिणी देवी पल्लंके ठिया जग्गंती दिट्ठो ताए कालो । किं बहूणा बोलाविओ देवीए तयं खूके बोलेइ धीरपुरिसो । पुच्छिउ कोसि तुमं? भणियं च अहं चोरो । हाहाभूयमवेयणो वंक चूलुत्ति नामेणं । भणियं च रायपत्तीए-कि गिण्हसि ? तेण भणियं-मणि-कणग-हिरन्न-सुवन्नं, हिरण-सुवनस्स? अइनिग्घणोसि निद्दय मज्झं पि अवहिययं भंडार-सहियं देमि गिहं सारं जइ करेसि महं वयणं इच्छहि मम भज्जा पुरिम्मि मणोरहे तुज्झसाना विम्हियहियओ चिंतेइ–पिच्छ महिलाण चरियं । पुच्छामि ताव कि होइ महारायस्स । पुच्छिया तेण कहियं जहट्ठियं जउरायस्स अग्गमहेसी घरसामिणी परमभज्जा राया रोसिओ अज्ज मए सोहग्गमाणमत्ताए । तओ सुमरिऊण गुरुवयणं भणियं वंकचूलेण
रायाणं जो राया तस्स य पढमा अग्गमहिसी सा होइ मम माया जाणरिया नत्थि संदेहो ।
तो भणियं देवीए-जइ न इच्छसि मए सह भुंजिउं भोगे तो मारावेमि निब्भंतं । चितेसु उत्तरं किपि । इओ य राइणा पच्छन्नठिएण विम्हियहियएण दुन्ह वि आलावं सुणियं निरवसेसं हिट्ठिए भूमिए निसुणतो चिट्ठइ । सव्वं ताव जाव न इच्छइ । सो तओ ताए पावाए नहेहिं विदारिऊण अंग महासद्देण घोसियं । एसो को वि दुरप्पा रायघरे वेरिओ पविट्ठो । तओ देवी सदं सोऊण रक्खगा पविट्ठा रायस्स भवणे । कलयलं करेमाणा दिट्ठा य पंचमे माले भणियं- वराएण एयं मा मरिज्जह चोरं बंधिऊण विसारेह । जह न होइ चोरो, अणुमओ भिच्चेहि, तहाकयं जाणसालाए नीओ । राएण चिंतियं-रायपत्ती संपाडेमि असेसं तुट्ठो तहवरि एहितो धीर मुणियं निरवसेसं देवीए चरियं । हियए ठवियं सव्वं वइयरं । पसुत्तो राया । पहाया रयणी अत्थावेण चिट्ठो राया। सा देवी स विम्हएणं भणियं राएणं-आणेह लहुं पिच्छामि
Jain Education International
For Personal & Private Use Only
www.jainelibrary.org
| SR No. | 520774 |
| Book Title | Sambodhi 2001 Vol 24 |
| Original Sutra Author | N/A |
| Author | Jitendra B Shah, K M Patel |
| Publisher | L D Indology Ahmedabad |
| Publication Year | 2001 |
| Total Pages | 162 |
| Language | English, Sanskrit, Prakrit, Gujarati |
| Classification | Magazine, India_Sambodhi, & India |
| File Size | 4 MB |