________________
रंगलाला
२५१
कुम्मासहत्थि-पेजिय-मणुस्स-संपाडिएण जाणेणं । तत्थ पविट्ठा तुट्ठा य मित्त गेहम्मि रयणीए ॥ (३११) तम्मि य सुहं सुहेण चिट्ठामा पेसिया य कोसंबिं । लेहा पिएण कुम्मासहस्थि-सहि एण एमे। त्ति ।। (३१२) पडिलेहेहिंय तत्तो समागएहिं तहागएणं च । पंथ-परिव्यय-हेउं हिरण्ण-बत्थाइएण तओ ॥ (३१३) काहावणय-सहरसं दिन्नं मित्तहर-चेडरूवाणं । खज्जय माल्लं ति मए सेसाणं पि य जहा-जोग्गं ॥ (३१४) किच्चं करेमि कुम्मासहत्थिणा कारिया य सामग्गी । गमण-निमित्तं सुह-पवहणेण चलिया य कोसंबि ॥ (३१५) तत्थ य कमेण जंता वासालय-गाम-संठियं पत्ता। वड-पायवं महल्लं पेच्छामो रम्ममह तं च ॥ (३१६) दद्दु कुम्मासहत्थि भणेइ णे जह पवित्त वारित्तो(?)। छउमत्थो परिवुत्थो एत्थं किर वड्ढमाण-जिणो ॥ (३१७) जं च तयासि पवण्णो वासायालयमिहं महावीरो । तेणेवेसो गामो जाओ वासालओ नाम ॥ (३१८) सोउं च वुत्तमिण जाणाओं उत्तरितु दो-वि तयं । सीसेण वंदमाणा वडस्स मूले निवइया मो ॥ (३१९) बेमि य ण पंजलिया तरुवर धण्णो सि तं कयत्थो य । जं ते इह छायाए अच्छीय जिणो महावीरो ॥ (३२०) अच्चेऊण वडं तं काऊण पयाहिण' च तिक्खुत्तो । पवहणमारुढा मो कमेण पत्ता य कोसंबिं ॥ (३२१) तत्थ षि कुम्मास-वडे विभूसिओ सम्मुहागमिएहिं । कय-मंगलोवयारा पवेसिया नयर मज्झम्मि ॥(३२२) अप्प-कय-दोस लज्जा-निजंतिया तो तहि अइगया मो । ससुर घरस्स विसाल जणाउल अंगण रम्मं ॥ (३२३) तत्थ य पच्छायाओ पिया वि मे घरिणि बंधव समेओ। सत्थाहेण सहन्छइ वरासणे ताण य पएसु ॥ (३२४) पडिया अम्हे तेहिं वि अवगूढा ओविया(?) य सीसेसु । तो अम्मा-सासूहि संसूहिं सेसयाणे च ॥ (३२५) विहिओ विहि-किच्चाण पाएसु पडइ पेस-वग्गो णे । धाई य पुव्व-धरियं बाह, मोच्छीय सारसिया ॥ (३२६)
