________________
२५०
तरंगलाला
भणिओ य सत्थवाहो घरमागंतूण सेट्टिणा एवं । वेवाहिय खमसु ममं तं ज कडुयाविओ कलं ॥(२९५) सिग्धं च समाणिज्जउ जवाइओ जाइऊण मोत्तु भयं । जह होही च सो दुहिओ विदेस-वासयर-घरेसु ॥(२९६) तुब्भं च पुध-बुत्तं सव्वं साहइ जहाणुपुवीए । सत्थाहस्स वि सेट्ठी जहा[उ] कहियं स चेडीए ॥(२९७) रेराच्छीय तुम्ह विरहे अम्मा बहु-परियणं स्यावंती । जाइ-सरणं च तुम्हें विप्फुरियं दोण्ह पुरीए ॥(२९८) तो सेट्ठि-सत्थवाहेहिं तत्थ देस-नगराकर-सएसु । संपेसिया मणुस्सा समंतओ मग्गिउं तुभे ।।(२९९) अहमवि पणासय-पुरं पट्टाविओ] तुमह णात्तण(जाणण)-निमित्तं । अज्जं च तत्थ पत्तो न य सुद्धी का वि लद्ध त्ति ।।(३००) चिंतेमि खीण-दव्वा धणिय-परद्धा कयावराहा य । पच्चंते सेवंते पुरिसा दुरहीय-बिज्जा य ॥(३०१) उरए परए हिंडिउ च तत्तो इहागओ एण्हिं । देवा य मे पसण्णा जं मे सफलो समो जाओ ॥(३०२) वोत्तुं च तुम्हमेए स-सत्थवाहेण सेटिणा लेहा । स-हत्थ-लिहिय त्ति अप्पिया तेण पणएण ॥(३०३) पणएण घेत्तुं पिएणुच्छोडिय ते हियाविया पढमं । तो वाइया स-सई मज्झ सुणावण-कए लेहा ॥(३०४) लिहियं च तत्थ कज्ज तेहिं सयां स-सवहं जहा तुम्हें । इह को वि नावयारी ता इज्जह निब्भया दो वि ॥(३०५) सोउं चेमं सत्था जाया अह पुच्छिओ पिययमो य । कुम्मासहत्थिणा हत्थ-बंधणं दटुं किमिमं ति ॥(३०६) कहियं च तस्त बसणं जहाणुभूय पिएण तो तेण । एगस्मि बंभण-कुले कराविया सुंदर-रसोई ॥(३०७) जेमाविया य विहिणा घय-मक्खिय-स[127B]यलपाणि-चलण-वणा । नीमो तं कुलमलिवाइऊण जच्चासमारूढा ॥(३०८) कुम्मासहत्थि भड चडगरेण परिवारिया पहुत्ता य । गंगा-नई पणासय-पुरस्स पासेसु वह्माणी ॥(३०९) तं चागाह-जलं ति य नावाए उत्तरितु रमणीयं । बलि{?).पणासय-पुरं ति-भाग-सेसे दिम्मि गए ।(३१०)
