________________
२०
तरंगलाला
एव परमत्थ-निच्छय विहण्णुणा जयण-पडण-जुत्तेण । कत्थइ असज्जमाणेण हवइ मोक्खो सुहं गंतुं ॥१५८७ जं पि य भणह कइवए वासे ता भुंज काम-भोगे त्ति । . एस्थ वि दीसइ दोसो अनियय भरणाउरे लोए ॥१५८८
जं नस्थि कोइ लोए मच्चूओ बल-निरंभण-समत्थो । तो पुव्वमेव नियमो अकालहीणं गहेयव्वो ॥१५८९
एयाणि य अण्णाणि च सस्थाह-सुएण जंपमाणेणं । अम्मा-पियरो सयणो य तत्थ पडिसेहिओ सव्यो ॥१५९० सह-पंसु-कीलणेहिं य निजतेणोक्यार सुहा (?) । तेण वयंसा वि कया सव्वे पडिसेहिय-निरासा ॥१५९१ तह वि न इच्छइ हाउं अम्हे तव चरण-निच्छए दो-वि । अवि सो वि सत्थवाहो घरिणी पुत्त-प्पिवासाए ॥१५९२ पिय विप्पओग-दूसह-जम्मण मरण-भय विदुया एते। छंदेण चरेंतु तवं तो तत्थ भणिय (?) बहु-जणेहिं ॥१५९३ काम-गुण-परम्मुह-माणसस्स तव चरण-करण तुरियस्स। जो कुणइ अंतरायं सो मित्त-मुहो अमित्तो त्ति ॥१५९४ तो तं वयण-कलकलं जणस्स सोऊण तत्थ सत्थाहो । अणुमण्णेइ अकामो पव्वज्जणं अम्ह (?) ॥१५९५ काऊणं करयल संगमं च भाणीय णे. दुयग्गे वि। नित्थरह विविह-नियमोववास-गरुय समण-धम्मं ॥१५९६ जम्मण मरण-तरंगं नाणा-जोणि-परिहिंडणावतं । अट्ठविह कम्म-संघाय-कलुस-जल-संचयं संदं ॥१५९७ पिय-विप्पओग-विलविय-महारवं राग-मयर-परिवरियं ।। संसार समुद्दमिणं जह तरह तहा करेह त्ति ॥१५९८ एवं गुण-संवाहो सत्थाहो भाणिऊण पाडेइ । पाएसु बालय ने (?) नयरिमइगमण-कय-मई सो ॥१५९९