________________
१८८
तरंगलोला
बहसो य निरिक्खंतो न वरं पेच्छामि भवण-वर निचय । न-य मे दिटुं पुव्वं इणमुज्जाणं कयाई पि ॥१४९६ तो तं विजाणमाणो भणाइ मं पाहुणो त्ति नाऊणं । इणमो उज्जाण-वरं सयडमुहं नाम नामेण ॥१४९७ इक्खाय-राय-वसभो वसभो किल ललिय-वसभ गइ-गामी। आसीय भरहवासे कुमारसुयती(?) वसुमतीए ॥१४९८ सो किर हिमवंत-धणी मंडल-वलयाउल-गुण-समिदं । सागर-रसण-कलावं पुहइं महिलं व मोत्तूणं ।।१४९९ गब्भ-पुणब्भव-भीओ अपुणव्भवणस्स उज्जुओ माय (?)। तइया नीसामण्णे सो पुण्णमणुत्तरं कामी ।।१५०० तो तस्स सुरासुर-पूइयस्स वर-नाण-दसणमणतं । इहई किर उप्पण्णं वडस्स हेट्ठा निविट्ठस्स ।।१५०१ तो तस्स इमा महिमा कीरइ अज्जावि लोग-नाहस्स । पडिय भवस्स य पडिमा देवकुले ठाविया एसा ।।१५०२
एवं सोऊण अहं वडं च पडिमं च बंदिऊण तहिं । पस्सामि भब-गुण-निहिं समणं तत्थेक्क-पासम्मि ॥१५०३ हिययम्मि निवेसिय-पंचेंदिययं निव्वुयं सुह निसणं । अज्झप्प-झाण-संवर-निरुद्ध-एकग्गयं वित्तं ॥१५४ उवगतूण य पाए अ-पाव-हिययस्स घेत्तूण । संवेग जाय-हासो कांजलिउडो अहं बेमि ।।१५०५ अवगय-माण कोहो अहिरण्ण-सुवणिओ निरारंभो । इच्छामि ते महायस सीसो सुस्सुस्सओ होउं ॥१५०६ जम्मण-मरणावत्तं . वह बंधण-रोग-मयर-परिवरियां । तुभं तरीए तरिउं संसार-महण्णवं इच्छं ॥१५०७ कण्ग-मण-नेव्वुइ-करं वाणिं भणिओ निरुद्ध दुद्ददु(?) । दुक्खं समणस्स सया गरुया जाव सुगुणा वोढुं ॥१५०८ खंधेण व सीसेण व भारो सुहरो(?) नणु वोद जे । इणमो उ अ-विस्सामं सील भरो दुक्करो वोढुं ।१५०९ तो तं बेमि पुगो हं नत्थि ववसियस्स दुक्करं किंचि । कायव्वमिह पुरिसस्स कामे धम्मे व्व (?) कज्जेसु ॥१५१०
