________________
तरंगलोला
पडिओ य वेदणाउर-मुक्क-पक्खो खणेण सलिल तले ।। संझा-कुंकुम-तंबो व इयारो(?) पच्छिम-समुद्दे ॥१४०६ पडियं च ण उवगया चक्काई विक्कवं अणुहरंती । सोकावरिय-दुहट्टा सरेण उस्सारियप्पाण ।।१४०७ हा धिगु जुयलयमिणमो हयं ति चिंतापरो अहं जाओ। चेट्ठि न्ति अग्ग-हत्थे संपिच्छं तत्थ विधुणतो ।।१४०८ तम्मि य हथिम्मि गए मए वि सोत्थ पुलिणम्मि काऊण । आगय किवेण तुरियं अणुकंपा-झामिओ सउणा ॥१४०९
तम्मि य अग्गिम्मि पुणा चक्काई सहयराणुरागेण । भमिऊण सन्निवइया तत्थ य दट्टा मुहुत्तेण ।।१४१० दठूण तं गइ-गयं दुक्खं पीवरतरं महं जायं । भदक सउण-मिहुणकं किह वाव विणासियमिणं ति ॥१४११ चितेमि उ पुरिस-परिरक्खिओ एस अम्ह कुल-धम्मो । समओ कुलन्जस वसो हा दुछु मए कहं भग्गो ॥१४१२ पुरिसो. पच्च(?) उच्छाहो खलिय-विरिओ दुगुंछंति । अप्पाण चेव नियय-कुल-धम्मे वलिवि भोयगस्स ॥१४१३ x x. x कि मज्झ जीविएण तो। एवं कयंत-चोइय-मइस्स जाया महं बुद्धी ॥१४१४ तो बहुतरए अरणी आणीया चक्कवाय-चिययाए । अहमवि अग्गि पडिओ तत्थ य दड्ढो मुहुत्तेण ॥१४१५ कुल-धम्म-वयाएसस्स रक्खणा सव्व-संवउज्जयया । पच्छाणुताव-गरहण-निंद-दुगुंछा पवण्णो हं ॥१४१६ संतेगप्पणिहाणो विसुद्ध-परिणाम-धम्म सद्धाए । वप्पेण(?) सरीरस्स एएण न हं गओ नरयं ।।१४१७
तत्थ मओ हं गंगा णईण गंतूण उत्तरे कूले । इब्भ-कुले आयाओ विणड(?)-धण्ण-सयणम्मि ॥१४१८ निप्फण्ण-सव्व-गुणसार विस्सुओ उस्सवो कुले जत्थ। कासी नाम जणवओ का सग-जण-संकुलो रम्मो ॥१४१९ जत्थ य मणोभिरामे पउम-सराराम-कित्तण समूहै। होति निरिक्खण-वक्खेव मसिण गमणा पहिय-जूहा ॥१४२०