________________
१७४
तरंगलोल
सामा थण-जुयलालंकिल्लिया पीण-पीवर-नियंबा । मिउ-भणिय-विसय-हसिरी मुहेण चंदं विलंबंती ।।१३९१ राजीव-तंब नयणा जोव्वण-गुण-राइ-मंडिय-सरीरा । कसण-तणु-रोमराई वणराई नाम नामेणं ।।१३९२ सोल्लं वर पसण्ण रूवं वर-कामिणी य मय-कलिया । किसल-सयणं च सया सोक्खं वाहत्तणे एयं ।।१३९३ कीस न होही सोक्खं वाहत्तणे तणु-बलम्मि साहीणे । जेसिं किमिच्छिय सुहं अच्छत्ति निही अरण्णेसु(?) ॥१३९४
वाही-भुय-परिरंभण-पीण-पओहरहिबद्ध-रागो हैं। वारुणि-मंड-तणुइओ सुरय-किलंतुट्ठिओ कल्लं ॥१३९५ मय-संग-मोर-पिच्छ-द्धयाकुलं सरस-रुहिर-परिसित्त । नमिऊण मुदिय-मणसो थाणं चाहाण देवीए ॥१३९६ अह अण्णया कयाई गिम्हे हं गहिय-कंड-कोयंडो । अंसावसत्त तुंबो वाहच्छेत्तं(?) गओ रणं ॥१३९७ वण कुसुम यद्व-डो(?) उवाहणुप्पीलिएहि पाएहिं । अग्गि-करणी य अरणी बद्धिय(?) कोयंड-पट्ठम्मि ॥१३९८ वण-हत्थि मग्गंतो दंत-मुसल-कारणाय परितंतो । आहिंडिऊण रणं गओ निवाणं नई गंग ॥१३९९ तत्थ य पव्ययमेत्त पञ्चग्ग-वणंतर-वियारिणं पस्सं । हाउत्तिण्णं भई एकल्लयं हत्थि ॥१४०० दळू ण तं अपुव्वं अयं हियएण संविचिंतेमि । नहु गंगा-कच्छ-वर्णतरुट्टिओ होइमो हत्थी ॥१४०१ जो गंगा-कच्छ-वणम्मि होइ बहु-विविह-रुक्ख-गहणम्मि । सुह-फरिस-वाल केसो तस्स इमं लक्खणं होइ ॥१४०२ एसो पुण अण्ण-वणाउ आगओ दसण-विरहिओ जइ वि । वाह-कुल-रक्खणट्ठा तहा वि इंतव्वओ एसो ॥१४०३
एवं कय-संकप्पेण तो मए वाह-कुल-रक्खण-निमित्त । हथिस्स पेसियं तं जीविय-निदारणं कंडं ॥१४०४ अह तेण य उड्डीणा सहसा खण कुंकुमो नहयलस्स । पुव्व कयंत-निजुत्तो बिद्धो कंडेण चक्काओ ॥१४०५