________________
तरंगलोला
नाओ य अज्जपुत्तेण धणियमवगूहिओ य । [भणिओ य] किमागमणं ति देहि साहेहि मे सिग्घ ॥११२४ अवि कुसलं सत्थाहो अंबा भत्त-वग्गो य । x x x x x तो मुहुत्ताग ॥११२५ तत्थ विदिण्ण(?) निविठ्ठो भूमितले माहए पिययमस्स । वामकरंगुलि-निवह दाहिण-हत्थेण घेत्तूण ॥११२६ सेटि-भवणम्मि कण्णा गय त्ति अह निम्मले पहायम्मि । तो किर दासीयइ णे कहिओ भे पुव्व-संबंधो ॥११२७ रत्तिं च अवक्कमणं चोरिय-गमणं च सयण-पक्खस्स । कहियं जहानुभूय सव्वं भे दास-चेडीए ॥११२८ भणिओ य सत्थवाहो घरमागंतूण सेटिणा कल्लं । सत्थाह खमाहि महं जं सि कडुइओ मए कल्ल ॥११२९ मग्गिज्जउ मे जामाउओ लहुँ एउ मा य बीहेउ । किं काहीइ उ पुत्तो विदेस-वासे पर-घरेसु ॥११३० तुब्भं च पुव्व-जाइं सब्व साहीय आणुपुव्वीए । सत्याहस्स गहबई जह कहिय दास-चेडीए ॥११३१ तुभं च विप्पओगेण वच्छला पर-जणं रुयावेती । रोच्छीय कलुण-सरयं सोग-भर-पेल्लिया अंबा ॥११३२ भरिया य वच्छ-नयरी तत्तो बहु-जण-परपर-सुईए । सत्थाह-सुओ जाईसरो त्ति सेहिस्स य सुय त्ति ॥११३३ तो सेट्ठि-सत्थवाइहिं तत्थ देस-नगरागर-सएसु । संपेसिया मणुस्सा समंततो मग्गिउं तुम्भे ॥११३४ अहमवि पणासगं पेसिओ मि तुब्भे गवेसिडं कल्लं । अज्ज य पत्तो वि तहि न य तत्थ सुणं पविन्ति ते ॥११३५ चिंतेमि खीण-दव्वा धणिय-परद्धा कयावराहा य । पच्चंतासयंता(?) पुरिसा दुरहीय-विज्जा य ॥११३६ परिपुच्छिऊण निउणं तओ तहिं निरिक्खि इहमागओ । देवा य मे पसण्णा जं मे सफलो समो जाओ ॥११३७ तुम्भं च इमे दिण्णा सत्थाहेहि समयं गहवतीहि । लेहा स-हत्थ-लिहिय त्ति उवणिया तेण पणएण ॥११३८
