________________
तरंगलेला
एवं सोऊण अहं हिम-य-नलिणि व्व नट्ठ-सोहग्गा । सोग-पलीविय-हियया खणेण जाया बिगय सोहा ॥ ६५३ ईसो(?)वसंत-सोगा अंसूहि तह य पूरियच्छीया । चेडि बेमि रुयंती इमाणि वयणाणि तो घरिणि ॥ ६५४ जइ काम-सरुहबिओ चएज्ज सो जीवियं पिओ सो मे । तो है पि न जीवेज्जं जीवेज्जं जीविए तम्मि ।। ६५५ जइ ता तिरिक्ख-जोणिं गयाए सो(?) अणुमओ संतो । एण्हि किह जीविस्सं तेण विहूणा बहु-गुणेणं ॥ ६५६ जाहि तुम सारसिए मूलंम्मी तस्स मह (?ज्झ) नाहस्स । अक्खर-लेह घेत्तुं मह वयणेणं इमं भणसु ॥ ६५७ लिहिओ उ भुज्ज-पत्ते लेहो सह सिज्जिरंगुलि-करेण । म्यरद्धयाणुपुव्वो चडु-वयण-वएसणा(?) पउरो ।। ६५८ पहाण-मण(?)-मट्टिया-पिंडि-मुद्दियं तिलक-लंछणं लेहं । अप्पक्खरं महत्थं हत्थे दासीय [कासीय] ।। ६५९ बेहि य ता सारसिए इमाई वम्मह-निबंधण-कराई । मम वयणाई (?) रमणं हिययालंबाणि वयणाई ॥ ६६०
(जा) गंग-सलिलस्स रमणी अण्णं जाइं तुहासि जा भज्जा। सा एस चक्कवाई आयाया सेट्टिणो धूया ॥ ६६१ तुज्झ परिमग्गणत्थाय चित्तपट्टो पदसिओ तीए । जं नाह तं सि दिट्ठो सफला x x x हु से जाया ।। ६६२ परलोग-विप्पवासिय (?)मझं हियय-घरवासिय जसस्सी। तुझ सण्ण(मग ?)माणी अणुमग्गं सा इहं पत्ता ॥ ६६३ जइ चक्कवाय-जाती-गओ तओं धरइ पेम-संबंधो। । तो जीव-जीवियत्थे [हत्थं ?] किर वीर मे देहि ॥ ६६४ तं सब्भावुण्पण्ण-अणुरागं आगरं सुह-सयाणं । रमणं संभारेज्जा जो णे सउणत्तणे आसि ॥ ६६५ एयाणि य अण्णाणि य विहुरिय-हिययाए सा मए भणिया । मह सोक्खाण य मूलं पिययम-मूलम्मि गच्छंती ॥ ६६६ तेण सह संपओगं करेहि सुरय-रइ-समुदय-करं मे । सामेण व भेएण व उवप्पयाणेण व वयंसि ॥ ६६७ अप्पाहिया वऽणप्पाहिया व भणिया व तं अभणिया व । सव्वं पि णं भणेज्जा जं होई गुणावहं मज्झं ॥ ६६८ एव भणिया मए सा चेडी संपत्थिया थिर-जसस्स । मज्झ पियस्स सगासं हियएण समं महं घरिणि ॥ ६६९
