________________
तरंगलोला
चकाय-जुयल-पेच्छण-परिरत्त-मणाए तत्थ सयराहं। सो मज्झ चकवाओ हियय-तलायं समोइण्णो ॥३८८ संभरिया य वयांसी गुण-रुइया चक्कवाय-जाई मे । सव्वा जहाणुहूया जा ते कहिया मए एसा ॥३८९ ।। पिय-विप्पओग-कलुणं सरियव्वय-कारणं महं एयं । सव्वं जहाणुभूयं [?ते] मे कहियं समासेण ॥३९० मह जीविएण तं साविया सि मा कस्सई परिकहेज्जा । । ए यं तेण सहाहं जा ताव मिलेमि कंतेण ॥३९१ जइ मे होज्ज कची तेण सह समागमो इह लोए । तो नवरि माणुसे हं वयं सि भोए अभिलसेज्जा ॥३९२ । आसा-पिसाय-विस्सा(?त्ता)सिया अहं सुरय-सोक्ख-लोहिल्ली । सत्त-वरिसाणि सुंदरि तल्लिच्छा हं पडिच्छामि ॥३९३ । अह जइ वि न तं पेक्खं वयसि हियय-घरवासय मज्झ । जिण-सत्थवाह-पहयं तो मोक्ख-पहं पवज्जामि ॥३९४ तह य पुणो तह काहं जह हं पिय-विप्पओग-संबंध । संसार-पास-सुलहं पुणो वि दुक्खं न पावेमि ॥३९५ काहं समणत्तणय अव्वांबाह-सुपव्वयारहणं । जम्मण-मरणांईणं विरेयणं सव्व-दुक्खाणं ॥३९६ एवं सिणेह-वस-अहिय-पेम्म-रत्ताए तत्थ मे घरिणि । कहइत्तु चेडियाए विभाविओ चेव मे सोगो ॥३९७ सोऊण य सारसिया एयं वच्छल्ल-भाव-मिउ-हियया । मे दुक्ख-सोग-संतप्पणेण रुइरी य सुइरं - पि ॥३९८ भणइ य में रोयंती हा जह से हियय-सोस-कीवारं(?)। पिय-विप्पओग-मइयं दुक्खं सामिणि इमं विइयं ॥३९९ एए पुव्व-कयाणं कम्माणं नियय-पाव-रुक्खाणं । काल-परिणमे पक्कीहवंति कडुया फल-विवागा ॥४०० सामिणि मुयसु विसाय इह पि ते देवया-पसाएणं । चिर-परिचिएण हेही तेण सह समागमो भीरु ॥४०१ इय हं तीय स-करुणं पिय-वयणोप्पिय-सुहेहि बहुएहिं । अणुणीय पज्जवत्थविया(?) उदएण पमज्जियंसू य ॥४०२ चेडीए समं कयलीहसहिग विनिग्गया गया अहयं । । जत्थ य अम्मा पुरओ ललई यसो परियणी घरिणि ॥४०६
