________________
तरंगलोला
धोय-मुह-हत्थ-पाया अरहते बंदिऊण साहू य । संखेव-पडिक्कता उववण-गमणू सुया अहयं ॥१९१ उजाण-गमण-तुरियाहिं तत्थ अह परम्मि जुवईहिं । अलस-गमण त्ति रत्ती बहुयाहि बहु उवालद्धा ॥१९२ उज्जाण-गमण-पेच्छण संलाव-कहाहि जग्गमाणीणं । कासि बि अइक्कंता मज्जणय भणोरह-कहाहिं ।।१९३
पूइय आरक्खिय-कम्मकरा मयहर-णरो परियणो य । भोज्जं समीहिउँ जे उज्जाणं ते गया पुव्विं ।।१९४ सो गयण-गसण-पहिओ सहसा जासुमण-कुसुम-संकासो। उठेइ पुव्व-दिस-कमल-बयण-वियसावओ सूरो ॥१९५ गिण्हति विविह-रागे पट्टे खामे' य कोसियारे य । चीणंसुए य वत्थे महग्य-मोल्ले विचित्ते य ।।१९६ गिण्हते य सविसेसे मुत्ताहल-कणय-रयण-संघडिए । ते भूसण-सव्वस्से सिप्पिय-विण्णाण-निम्माए ।।१९७ सुन्देर-बद्धण-करं सोहग्गाणुग्गहं ति(?) पसाहणयं । जोव्वण गुण साहलयं... ... ... ... ...विलया ।।१९८ तो सव्व-सयण-महिला आमंतिय आगयासु तासु तहिं । सज्जीकय-निग्गमणा अम्मा उज्जाण-गमणस्स ॥१९९ ताहिं माहलाहि समयं वटुंते सोहणम्मि य मुहुत्ते । सव्व-समिद्धीए तओ उज्जाणं पत्थिया अम्मा ॥२०० अणुमग्गओ य अम्माए तत्थ वेगेण नीइ जुवइ जणो । आभरण-रवेण तयं भवणस्स . पहं पपूरेतो ॥२०१ नेउर-रुणरुण-सदो कणय-रयण-मेहला-खणक्खणया । मंजीर-खिखिणीण य सदुग्घोसो सुहो(घो!)सो उ ॥२०२ तत्तो गच्छंतीणं जणस्स ओस्सारणं पिव करेइ । वम्मह-नंदी-तूरं तासि निययाभरण-तूरं ।।२०३ इय तासिं निग्गमणं कहियं मे उवगयाहिं चेडीहिं । वाहरिउं मं तत्थागयाहिं अम्मा-निओएणं ।।२०४
अयं पि सहीहि समं कमेण मज्जिय-पसाहिया घरिणि । सव्वाभरण-मणोहर महरिह (?)-चेल्लियंगीहिं ॥२०५ आगिट्ठि-चिंध-पढें कंचण-पिट्ठीए । मंडियमुयारं । महरिह-सोट्ठा(?)लण्हं पटूट-सुवत्थं 'नियत्था मि ॥२०६ आभरण-वसण-महरिह-रयण-समूह-प्पहा-वियाणेण । बिउणीकय-लायण्णा उउ-पुफिय-चंपयलय व्य ।।२०७
