________________
तरंगलाला
तत्थ पुहइए-पहाणं रमणिज्जुज्जाण काणणोववणं ।। रायगिहं तु (?) पअगा(डा?) मर-नगरं ॥ १६ तत्थासि कोणिओ नाम विउल-बल-कोस-संपया जुत्तो।। रिउ-जीविआण कालो मित्त-सुकालो पुहइ-पालो ॥ १७ समर-परक्कम-निजिय-अवणामिय-सयल सत्तु-सामंतो । जिय सव्य-दोस पसरो कुलवंस-विभूसणो सूरो ॥ १८. तित्थयरस्स भगवओ वीरस्स विलीण-राग-दोसरस ।। सो सासणम्मि रत्तो जर मरण-विमोक्खण करम्मि ।। १९ तस्सासि तया तणु-जीव-रक्खओ सव्व-पयइ-मण-कंतो। कुल माण-सीलविण्णाण-नाण-जुत्तो नगर-सेट्ठी ॥ २० सोहग्गवइ गहवइ व सोमा पिय-दसणा पिया तस्स । पच्चक्रवं धणपालो धणपालो नाम नामेण ।। २१ ततियम्मि वसहिम्मि सिद्धि मग परिगाहणुज्जुत्ता । बहु-सिस्सा-परिवारा जिण-वयण-विसारया गणिणी ॥ २२ कोमार वंभयारी बहुविह-नियमोववास तणुयंगी । एक्कारसंग-संपुण्ण-धारिया सुव्वया नाम ।। २३
..
तिस्सा विणीय विणया सिस्सा पारंतचारिया(?) काइ। छट्ठस्य पारण कय नियमावस्सया काले ॥ २४ जिण वयण-निउण-निच्छिय-सुइ-कलणोड्डिय-समाण-खुड्डीया । संघाडएण हिंडइ दुक्ख-क्खय-कारणा भिक्खं ।। २५ तस-पाण-बीय-हरिए दग मट्टिय-संकुले विवज्जंती। पाण-दयट्ठाय महि जुग-प्पमाणं निरिक्खंती ।। २६ . लद्वाविलद्ध-निदिय-रोस-प्पसाय-समत्था सा (?)। सुत्त विरुद्धे-य घरे लोय विरुद्ध य वजंती ।। २७ सा किंचि अट्रय-घरं परिवाडी-पडियमइगया अज्जा । धवलब्भ-गण-समूह व चंदलेहा नहयलसि ।। २८ सा तत्थ अणावाहा ववगय-तस पाण-बीय-हरियम्मि । . एसण-सोहण जोग्गे ठायइ य घरंगणुद्देसे ॥ २९
पेच्छिज्जइ तत्थ ठिया घर मंदिर किंकरीहिं जुवईहिं । सा रूव-विम्हिय-माणसाहिं विष्फारियच्छीहिं ।। ३० दग तय ताओ विलयाओ सलवैति सहियाओ। दे धावह अणवज दच्छिह लच्छी-निहं अज्ज ।। ३१ बहु-लोय-तणुइएहिं असं ठविय-लट्ठएहिं अग्गेहिं । .. पयई निद्वहिं संकुचिएहि केसेहिं सोहंती ।। ३२ '
