________________
जान्युआरी - २०२०
५९
काव्यनी महत्त्वपूर्ण कही शकाय तेवी केटलीक नोंधो ढाळना १०७मां पछीनां पद्योमां जोवा मळे छे. आ नोंधोमां गुरुभगवंत वडे (पट्ट योग्य शिष्यनी शोध माटे) करायेल सूरिमन्त्राराधनानी, ते साधनाना फळ स्वरूपे प्रसन्न थयेला यक्षराज वडे "पण्डित विद्याविजयजीने पोताना गच्छनो भार सोपवानी" विजयसेनसूरिजीने करेली भलामणनी, ध्यान पूरं थतां पोतानां वस्त्रादि विद्याविजयने सोंपवा द्वारा आडकतरी रीते तेमने पाट सोंपवाना संकेत आप्यानी विगतों विशेष ध्यानार्ह छे. प्रान्ते ढाळमां उल्लेखित पाटण, राजनगर, खम्भात आदि गामोना संघो वडे सूरिजीने तीर्थयात्राने बहाने पोताने त्यां पधारवानी विनंती कर्यानी विगतो सूरिजीनी लोकप्रीतिने सूचवे छे. हवेनी पांचमी ढाळ मारुणी रागमां छे. अहीं ढाळनी पूर्वेना दूहाओमां कवि सूरिजीने विहारमा सामा मळतां शुकनोनो वर्णना करी छे. ज्यारे ढाळनां शरुआतनां २ पद्योमा विहार करी अनुक्रमे सोजीत्रा पधारता सूरिजीना त्यांना व्यापारीओ वडे कराता प्रवेशमहोत्सवनी विगतने तेमज त्यांथी सूरिजीना खम्भात पधारवाना समाचार आपता वधामणीयाने श्रीसंघ वडे अपाती वधामणीनी विगतने कवि वडे आलेखाइ छे. त्यार पछी ढाळनां शेष पद्योमा कविए खम्भातना श्रीसंघ वडे करायेला सामैयानी विगतो सविस्तर आलेखे छे. तेमां पण सामैयामां शोभता विविध प्रकारनां - वाहनोनी, राज्याधिकारी - व्यापारी वगेरे साथे चालता महाजननी, विविध वस्त्रालङ्कारोथी सज्ज थयेली सधवा स्त्रीओनी तेमज जुदां जुदां वाद्यो वगाडातां व्याप्त थतां मंगलध्वनिनी विगतो विशेष उल्लेखनीय छे. वळी आ ज उत्तरार्धमां "सागुटि उपाश्रयमां सूरिजीनी पधरामणी करी तेमनी अंगपूजा कर्यानी" नोंधने तत्कालोचित प्रासंगिक प्रथा कही शकाय.
त्यार पछीनी छठ्ठा आशाउरी रागनी ढाळना प्रथम २ पद्यमां तथा ते पूर्वेना दूहाओमां कविए पद महोत्सव माटेना मुहूर्त ग्रहण कर्यानी विगतो आलेखी छे. पछीनां पद्योमा कविए पदमहोत्सव करवा माटे भोटु साहे करेल विनंतीनुं तथा प्रसंग उजववा माटे करेली तैयारीनुं वर्णन प्रारम्भ्युं छे. आ तैयारीनी वर्णनामां देश-देशावरना श्रीसंघोने कंकोत्री मोकल्यानी, प्रसंगे पधारेला महेमानोना उतारानी, विविध जातना चंदरवा तथा तोरणादिकथी शोभती भव्य मंडपव्यवस्थानी, उत्तम प्रकारनां पकवानादि विविध द्रव्यो वडे कराती सार्मिक भक्तिनी, रात्रीजगो तेमज प्रभावनानी तथा वाद्योना घोषारवथी दिगन्तने गजव्यानी
