________________
सप्टेम्बर - २०१८
श्रीसीमन्धरस्वामि-स्तुतिः जो रज्जं पविहत्तु सुव्वय-नमीतित्थेसराणंतरे दिक्खं गिन्हिअ पत्तकेवलमहो बोहेइ भव्वे जणे । वंदे पुव्वविदेहवासवसुहासिंगारहारोवमं तं सीमंधरसामिअं जिणवरं कल्लाणकप्पद्रुमं ॥१॥
जुत्तं सट्ठिसयं विदेहपणगे एरावए भारहे पत्तेअं पण पंच सत्तरिसयं एवं अहेसी पुरा । इक्किक्कंमि विदेहि संपइ पुणो चत्तारि चत्तारि जे
ते सव्वेऽईअऽणागए जिणवरे बद्धंजली वंदिमो ॥२॥ जो गंभीरभवंधकूवकुहरुत्तारे करालंबणं जो नीसेससमीहिअत्थघडणाकप्पडुमो पाणिणं । मिच्छत्ताइमहंधयारलहरीसंहारसूरुग्गमं तं दुदंतकुवाइदप्पदलणं वंदे जिणिदागमं ॥३॥
जा सीमंधरसामिपायकमले सिंगारभंगीसया खुद्दोवद्दवविद्दमं(व)मि निउणा सव्वस्स संघस्स जा। जा अट्ठारस बाहुदंडकलिआ सिंहासणा सोहए। सा कल्लाणपरंपरा दिसउ मे पच्चंगिरादेवया ॥४॥
*
*
*
