________________
सप्टेम्बर - २०१७
न हु एत्थ समोसरिओ नेमिजिणिदो भवारिनिद्दलणो । बारवईनयरीओ उवहरि(यारी) भव्वसत्ताणं ॥१०॥ पडिबोहं काऊणं सक्काइ-दसार-कण्ह-राम-सु(जु?)ओ । नरवइ-मउडधराई विहिएण उ चरणकालम्मि(?) ॥१०१॥ उज्जितमहिहरम्मी सहिओ अणगारपंचहिं सएहिं । छत्तीसब्भहिएहिं पत्तो परमेसरो मोक्खं ॥१०२।। पुवि पच्छा य तहा बहवे सिद्धा य लोगनाहस्स । बहुपावसंचयहरं नमामि उज्जित वरतित्थं ॥१०३॥ तित्थयर-केवलीहिं य गणहर-पुव्वहर-साहुमाईहिं । जो कोई सुहपएसो अक्कंतो सो महातित्थं ॥१०४॥ पुणरवि भगवं विहरेवि भारहं वच्छराण लक्खाई । नाऊण चरमकालं अट्ठावयनगवरारूढो ॥१०५॥ दसहिं सहस्सेहिं समं मुणिवर-तव-चित्त-चरणदेहाणं । काऊणमणसणविहिं सव्वेहि समं गओ मोक्खं ॥१०६॥ गोसीसचंदणागरु-चियाए सक्कादिसुरवरे(रिंदे)हिं । भरहागम-जिणभवणं कणगमयं रयणमालाहि ॥१०७॥ जयघंढा(टा)गहिररवं सव्वेसि जिणाण तित्थपडिमाओ । जो जह पमाणवंतो तह निम्मविओ य जिणकहिओ ॥१०८।। चउवीसं तित्थयरा फुरंतरयणेहिं पंचवन्नेहिं । एवं विहीए भाउय-सयस्स थूभाणि कारवइ ॥१०९॥ परि(डि)माओ तत्थ तेसिं पइट्ठिया ण्हवणमाइसक्कारं । पूयाईकयविहाणो सपरियणो परमभत्तीए ॥११०॥ भरहो थुणइ पसंतो जय जय देवाहिदेव ! जगतिलय ! । [जय]गुरु ! तिहुयणपालय ! ससुरासुर-नमिय-पयकमल ! ॥१११॥ जि(ज)यचिंतामणि ! जि(ज)यकप्परुक्ख! जय पढमपयडियसुधम्म !। इक्खागुवंसभूसण ! पढमजिणेसर ! नमो तुब्भ ॥११२॥ जय तियलोयपियामह ! बत्तीस-पुरंदरेहिं थुयचलण ! ।. भवजलहिनिबुड्डाणं जीवाण विसालदढपोय ! ॥११३॥
