________________
१४८
अनुसन्धान - ६१ : विज्ञप्तिपत्र - विशेषाङ्क - खण्ड २
पंचणयभूमितिलए, भूविक्खाए सुवत्थुरमणीए । पासायपंतिकंते, उण्णयपाग (गा) रपरिवी ॥६॥ बहुदेसागयलोए, गाहावइविंदभूसिए रिद्धे । धम्मियजणगणकमलु - ज्जलगुणमयरंदसुरभिए निययं ॥७॥ अमर (य) सरणामरुइरे, पज्जोसवियाण णयरम्मि | सप्पुरिसाण वराणं, सुहसंजमवासियंगाणं ॥८॥ अस्सि दूसमकाले, गणहरसिरिइंदभूइसरिसाणं । सिट्ठट्ठसंपयाहिं, अहियं खलु रायमाणाणं ॥ ९॥ पदलियवाइमयाणं, समिईसमियाण गुत्तिगुत्ताणं । सूराणं धीराणं, गंभीराणं उरालाणं ॥ १० ॥ नयभंगभंगदुत्तर - परमागमसिंधुकण्णधाराणं । सारयसयलकलानिहि-सोयरलुंकागणाहिववराणं ॥ ११ ॥ छत्तीसगुणगुरूणं, जुगप्पहाणाण पहियकित्तीणं । सिरिपुज्जायरियाणं, सिरि (रिसि) वरसिरिरामचंदानं ॥१२॥ सुगुणेहिं महरिसीहिं, धीरप्पवरेहिं दीवचंदेहिं । कम्माइचंदरिसिणा, हरिणामेण य कण्हीएणं (ण) ॥१३॥ सुविणीयसोहणेणं, सोभारिसिणा तहेव अन्नेहिं । भावरिसीहिं हीरा-णंदप्पमुहिं सेवियचलणे ||१४|| सुपुण्णेहि पुणे जणेहिं घणेहिं, सुलच्छीनिवासे सुनामे पुरम्मि । ठिओ सायरं सायवत्ताभिलासी, सया सेवगो तुम्ह निदेसकारी ॥ १५॥ रघुणाहनामधिज्जो, साहू जिणदासभिक्खुणा सहिओ । रामप्पसाएण तहा, दया चंदेण वरुडूणा ॥ १६॥
दुवालस-वत्तविहाणपुव्वं, वंदित्तु विण्णत्तिमिमं करेमि । सयच्चाणिज्जाण वहाणविज्जा - विऊण धीमं पुरओ पमोया ||१७||
उक्किट्ठसायसहिया, सहियाचरणं समंगला हट्ठा । जं अम्हे पकरेमो, अज्झयणज्झावणाइ सविसेसं ॥१८॥
Jain Educationa International
For Personal and Private Use Only
www.jainelibrary.org
