________________
ऑगस्ट २०११
रायगिहम्मि पुरवरे समुयाणट्ठा कयाइ हिंडंतो । पत्तो य तस्स भवणं सुवन्नकारस्स पावस्स ॥२१२॥ जो कुंचगावराहे पाणिदया कुंचगं तु नाइक्खे । जीवियमणुपेहंतं मेयज्जमिसिं नमसामि ॥२१३॥ निप्फोडियाणि दोन्नि वि सीसावेढेण जस्स अच्छीणि । न य संजेमाओ चलिओ मेय॑ज्जो मंदरगिरि व्व ॥२१४॥ तम्मि य बहुउवसंग्गे सम्मं अहियासियं मुणिवरेण । अह उपन्नमणंतं नाणवरं उत्तमं तस्स ॥२१५॥ निप्फिडिऊण पुरवरा पाओवगओ तओ पुरिससीहो । आहारं च सरीरं कम्मं सेसं च धुणिऊण ॥२१६।। उम्मुक्को जो भगवं जम्मणमरणपरियट्टणस(भ)याणं । भवसयसहस्समहणं मेयज्जमिसिं नमसामि ॥२१७॥ संखदलविमल(वलं जो पवरं सिद्धिपट्टणं पत्तो । सिद्धं विहुयरयमलं मेयज्जमिसिं नमसामि ॥२१८।। जेण य गब्भगएणं माऊए डोहलं जयंतेणं । सव्वेसिं जीवाणं नव मासे दाइओ अभओ ॥२१९॥१५ जीवाण अभयदाणेण जस्स अभओ त्ति ठावियं नामं । तं पुरिसपुंडरीयं पयाणुसारी(रिं) नमसामि ॥२२०॥ जो पवरवद्धमाणस्स सासणे अणुचरे तवमुयारं । सेणियकुलकायलयं अभयं वदामि अणगारं ॥२२१॥ तं दुरणुचरचरित्तं वंदे पवरगुणसत्तसंजुत्तं । अभयं विणयनयनिहिं अमरनरनमंसियं निच्चं ॥२२२॥ जो पव्वइओ संतो कासी अणियट्टितं तवोकम्मं । सव्वट्ठसिद्धिनिलयं अभयं वंदामि अणगारं ॥२२३।। जस्स घरम्मि अइगया असि-तोमर-मंडलग्ग-धणुहत्था ।
खुद्दा निवा(रा)णुकंपा चोरा ओसोवणिं करिया ॥२२४।। १. निफेडि० खं. २ । २. धम्माओ खं. २ । ३. मेयज्जमिसिं नमसामि खं. २ । ४. सग्गं खं. २ । ५. ०सिए खं. २ । ६. निक्खिमिऊण खं. २ । ७. ०सरिसं खं. २। ८. पञ्चमं गई पत्तो खं. २ । ९. २१९-२२८ पर्यन्तं खं. १ प्रतौ नोपलब्धं, पत्रमेकं नास्ति ।
