________________
ऑगस्ट २०११
जो निच्छयं उवगउ 'कयंजलिं(ली) वंदिऊण लोयगुरुं । खामेऊण सुविहिए जावज्जीवं चयइ भत्तं ॥५४॥ मासं पाओवगओ आलोइय निदिऊण दुच्चरियं । सव्वट्ठसिद्धिनिलयं तं वंदे सालिभद्दमिसिं ॥५५।। जो चइऊण विमाणे३ सिलप्पवालमणिकंचणसमिद्धे । वेसमणभवणसरिसे आयाओ इब्भभवणम्मि ॥५६॥ भोगेसु अरज्जतो धम्मं सोऊण वद्धमाणस्स । जो समणो पव्वइओ सुपइट्ठमिसिं नमसामि ॥५७॥ जो वागरिओ वीरेण सीहनिक्कीलिए तवोकम्मे । ओसप्पिणिए भरहे अपच्छिमो सि त्ति तं वंदे ॥५८।। चंपाए जो तइया अहियासे दारुणे उवस्सग्गे । वोसट्ठचत्तदेहं सुदंसणमिसिं नमंसामि ॥५९॥ जो दहिवाहणेपीइल्लियाए अभयाए अग्गमहिसीए । खोभेऊण न चइओ सुदंसणमिसिं नमसामि ॥६०॥ खण्डतखमं उग्गतवं वंदे तवतेयरूवसंपन्नं । किन्नरगणेहि महियं सुदंसणमिसिं नमंसामि ॥६१॥ जस्सासी पुष्फमओ परियत्ते दारुणे य उवसग्गे । सीसम्मि छिज्जमाणे सुदंसणमिसिं नमसामि ॥६२।। वरवेरुलिये य मणिं मुत्ताओ कंचणं पवालं च । चइउं सुदंसणमिसिं(सी)नेव्वाणमणुत्तरं पत्तो ॥६३।। नयरं च दसन्नपुरं सत्त य पमयासयाई चइऊण । धणकणयरयणनिचए मुत्तापुंजे महंते य ॥६४।। कोमॉरियाओ भज्जा पन्नासं कप्पिया रहसहस्सा । चउं दसन्नभद्दो नेव्वाणमणुत्तरं पत्तो ॥६५।।
१. पच्चलिओ खं. २ । २. भदं खं. १ । ३. विमाणं खं. २ । ४. ०समिद्धं खं. २ । ५. पिययमाए खं. २ । ६. ०वेरुलियमणी० खं. २ । ७. कोमारी भज्जाओ खं. २ । ८. कप्पियं खं. २ । ९. ०सहस्सं खं. २ ।
