________________
डिसेम्बर-२००९
५७
'एरिसा बहुणो इत्थ'गोवो सो भणइ तओ । 'गिहस्स गमणोस्सूओऽह'मिति पुण जंपियं ॥२४।। 'एस देओ तओ मज्झ वत्तुलो उवलो वरो । तए अण्णो उ घेत्तव्यो जहिच्छाए मणोरमो' ॥२५।। उवगाररहिओ सो अ न य देई तहा वि य । उवगारकारओ सिट्ठिसुओ भणइ बालिसं ॥२६।। 'जइ भद्द ! न देहीमं मणिं मं पि तहा वि हु । आराहसु सयं जेण एसो देइ सुचिंतियं' ॥२७।। तया भणइ गोवालो 'सच्चमेयं जया तया । बोर-कब्बरमाई सो देउ मज्झ बहू लहुं' ॥२८॥ हसिओ जंपइ सिट्ठि-सुओ 'नेव कया वि य । भद्द ! चिंतिज्जए एवं गोवाल ! गुरुडंबर ! ।।२९।। उववासतिगेणंत-रत्तिमुहे पमोअओ । लित्तमहीअले सुचि-पट्टे य न्हवियं मणिं ॥३०॥ कप्पूर-कुसुमाईहिं पूइडं विहिणा तहा । नमिय तो चिंतणिज्जं जं तं पभाए अ पावइ' ॥३१॥ सोउं सो बालिसो इइ छालिआगाममागओ । 'एसोऽपुण्णस्स हत्थे न हविस्सई'त्ति चिंतिय ॥३२॥ सिट्ठिसुओ न पु४ि च तस्स छंडेइ कोविओ । गच्छंतो पसुवालो अ मणिं जंपइ 'हे मणि ! ॥३३॥ अहुणा छागिआ सव्वा विक्किणिय तुह हुअं । पूयं काहामि कप्पूर-कुसुमाइसुवत्थुहिं ॥३४।। चिंतियस्स प्पदाणेण भवं होउ जहत्थओ' । तेणेवमुल्लवंतेण एयं पि भणियं पुणो ॥३५॥ 'दूरे गामोऽत्थि मे इत्तो तो कहेसु कहं तुमं । अन्नहा मे कहंतस्स एगग्गो निसुणेसु तं ॥३६।। देवालयमेगहत्थं देवो तत्थ चउब्भुओ' । पुणरुत्तं इइ वुतो जंपए जाव नेव सो ॥३७।।
Jain Education International
For Private & Personal Use Only
www.jainelibrary.org
