________________
जून २००९
अह भणइ वड्ढमाणो गोयम ! सच्चं कहेइ आणंदो । ता कह पायच्छित्तं अरिहइ सो निरवराहो वि ॥११९।। तं पुण विचित्तछउमत्थनाणआवरणजोगओ इत्थं । जाओ पच्छित्तऽरुहो, आलोएसु ता तुमं सम्मं ॥१२०।। तह खामसु गंतूणं आणंदं सावयं सयं[तं] तु । ता विणएण पडिच्छिय गोयमसामी कुणइ सव्वं ॥१२१।। आणंदो निव्विग्धं सीलव्वयं गुणव्वयाई पालेउं । फासित्ता पडिमाओ उवासगाणं समग्गा वि ॥१२२।। मासं च कयाणसणो पज्जते सुद्धचित्तपरिणामो । वीसवरिसाइं सावयपरियायं पूरिउं सयलं ॥१२३।। सोहम्मदेवलोए सोहम्मवडिंसगस्स ईसाणो । अरुणविमाणाहिवई चउपलियाओ(ऊ) सुरो जाओ ॥१२४॥ तत्तो चुओ स जम्मं महाविदेहम्मि उत्तमकुलम्मि । पाविय, भोगसमिद्धिं पढमवए चेव चइऊण ॥१२५।। पव्वज्जं निरवज्जं सम्मं परिवालिऊण कम्मखए । उप्पाडिऊण केवलनाणं सिज्झिस्सइ महप्पा ॥१२६।।
आणंदश्रावककथानकं समाप्तम् । छ ।
शुभं भवतु लेखक - पाठकयोः ॥छ। २ - [ सिरिकामदेवसावगकहाणयं]
अंगा जणवय, चंपा, जियसत्तू कामदेवो कोडंबी । भद्दा भज्जा तह पुन्नभद्दनामं च उज्जाणं ॥१२७।। छक्कोडीओ निहाणे वुड्ढीए छच्च, छच्च वित्थारे । छच्चेव वया दसगो-सहस्समाणेण उ वएण ॥१२८।। वीरजिणसमोसरणं तस्स समीवम्मि धम्मपडिवत्ती । पन्नरसम्मि य वरिसे गिहभारं जिट्ठपुत्तम्मि ।।१२९॥ निक्खविऊणं पोसह-सालाए वीरधम्मपन्नत्ति । पडिमापडिवनस्स य पच्छिमपहरम्मि राईए ॥१३०॥ मिच्छद्दिट्ठिसुरेणं पिसाय-करि-भुयंग-भूयकरणेहिं । अच्चंतभीसणेहिं कमसो उवसग्गकरणेणं ॥१३१।।
Jain Education International
For Private & Personal Use Only
www.jainelibrary.org
