________________
६
दक्खिन्न - सील- सालीणयाइगुणरयणरोहणधरिती । नियपियजणियाणंदा सिवनंदा भारिया तस्स ||२०|| चउरो हिरन्न कोडी निहिम्मि चउरो य वित्थरे तस्स । चउरो कलंतरम्मी सव्वग्गं बारस हवंति ॥२१॥ चत्तारि य तस्स वया गोरूवाणं च अइबलिट्ठाणं एक्वेक्क चउदस गो-सहस्समाणो मुणेयव्वो ||२२|| तत्थ य रिद्धि-समिद्धा सयणा संबंधि - परियणा सुहिणो । वाणियगामस्स बहिं, वट्टइ पुव्वुत्ते दिसी (सि) भागे ||२३|| कोल्लागसंनिवेसो, पत्तेय (तत्थ य ) धणधन्नरमणीओ बहवो । निवसंति सुहसुहेणं आणंद गिहिवइणो ( ? ) ||२४|| [- वीरजिनागमनम् - ]
अनुसन्धान ४८
अह अन्नया कयाई वाणियगामाभिहाणनयरस्स । ईसाणदिसीभागे दूइपलासम्म उज्जाणे ॥ २५ ॥ सुललियगइप्पयारो सुसाहु - गयकलह - निवहपरिकलिओ । वीरजिणो संपत्तो विहरंतो गंधहत्थि व्व ॥२६॥ जोयणपमाणखित्ता विहुणिय तण-कट्ठ-कयवराईयं । वाकुमारेहिं बहिं खित्तं वायं विउव्वित्ता ||२७|| गंधोदगं च वुद्धं मेहकुमारारेहिं सुसुगंधं । भूरेणुपसमणट्ठा पविरलधारानिवारण ||२८|| रिउदेवयाहिं विहिया वियसियकुसुमाण पंचवन्नाणं । हिट्ठट्ठियविदाणं वुट्ठी आजाणु सुरहीणं ॥ २९ ॥ मणि-कणय-रययविरइय-पायारतियाभिराममोसरणं । विहियं विमाणि - जोइस - भवणाहिवईहिं देवेहिं ||३०|| मज्झे य बहलपल्लव - सोहिल्लो वंतरेहिं कंकिल्ली । बत्तीहधणुहमाणो निम्मविओ पवरकप्पतरू ॥३१॥ सरयससिसियं सोहइ छत्तत्तयमुन्नयं तियसविहियं । सुरसत्तीए एगत्थ पिंडियं जयपहुजसो व्व ॥ ३२ ॥ वरकंचणमणिमइयं विसालसीहासणं विणम्मवियं ।
Jain Education International
For Private & Personal Use Only
www.jainelibrary.org
