________________
85
फेब्रुआरी - 2006 छतां जेमने जिनागमनुं तत्त्वपान करवानी तीव्र जिज्ञासा होय ते लोको माटे आ बालावबोध खूब उपकारक बने-बनी रहे तेमां कोई शंका नथी.
बालावबोध एटले संस्कृत-प्राकृतना अनभिज्ञ एवा लोकोने पण समजाय तेवी लोकभाषामां रचायेलो, मूळ ग्रन्थनो अनुवाद. १६मा शतकना अनुवादकनी गुजराती के पछी मारुगूर्जर कहीए ते भाषा केवी हती, तेनो स्पष्ट, विस्तृत आलेख/परिचय आ बालावबोध ग्रन्थना वाचनथी सांपडी रहे छे. आजे आपणे गुजराती भाषानो जे विकास साध्यो छे ते जोतां आपणा माटे तो आ 'बालावबोध' पण अनुवाद के विवरण मांगी लेती दुरूह रचना ज गणाय तेम छे. परन्तु मध्यकालीन भाषा तथा साहित्यना जाणकारो माटे तो आवा ग्रन्थ ए दुर्लभ अभ्यासग्रन्थ बनी रहे तेम छे.
वर्षोथी आ प्रकाशननी प्रतीक्षा थती हती. सम्पादकोए ऊंडी सूझबूझ पूर्वक आ सम्पादन कर्यु छे. सुघड अने प्रमाणमां शुद्ध कही शकाय तेवू प्रकाशन थयुं छे.
श्री पार्श्वचन्द्रसूरिरचित बालावबोधना अन्य ग्रन्थो तेमज आचाराङ्गना द्वितीय श्रुतस्कन्धनो बालावबोध-ग्रन्थ पण सम्पादको हवे वेलासर आपणने तैयार करी आपे तेवी अपेक्षा तथा अनुरोध होय ते सहज ज छे.
ग्रन्थारम्भे आपेल विस्तृत प्रस्तावना लेख द्वारा ग्रन्थनी परिचय तेमज ग्रन्थकारनी भाषानो पण परिचय आपवानो सम्पादकोनो प्रयास छे. तो प्रान्तभागे परिशिष्टरूपे आपेल शब्दसूचि ए आ सम्पादनना एक महत्त्वपूर्ण अने उपयोगी आभूषण समान बनी गई छे.
(४) पुस्तक विमोचन समारोह तथा संगोष्ठिः
आचार्य श्रीबुद्धिसागरसूरि द्वारा विरचित पञ्चग्रन्थि-व्याकरण, जे एकमात्र प्राप्त छन्दोबद्ध व्याकरण छे; नुं विमोचन ४ मार्च, २००६ना रोज जाणीतां विदुषी डॉ. श्रीमती कपिला वात्स्यायनना शुभ हस्ते इन्डिया इन्टरनेशनल सेन्टर, नवी दिल्ली मुकामे थयु. आचार्य बुद्धिसागरसूरि ई.स. ९८१-१०२५मां थई गया हता. आ व्याकरण- सम्पादन विद्वान् डॉ. नारायण म. कंसाराए कर्यु छे अने तेनुं प्रकाशन बी. एल्. इन्स्टीट्यूट ऑफ इण्डोलोजि
Jain Education International
For Private & Personal Use Only
www.jainelibrary.org
