________________
तह वि इमं मम पत्थणाइ जुज्जइ अपुणब्भवि धम्मसमुस्सिअ - सामिदासभावो बलवं भुवि ॥५॥ जय भयभंजण पासणाह ! तिहुअणमणरंजण ! जण जणवंछियकप्परुक्ख ! विगलियकम्मंजण ! | जय जिण ! दप्पयदप्पसप्पमाहप्पपभंजण ! परमसमत्तनिहाण ! झाणकयकलिमलगंजण ! ||६|| परिपेरंतफुरंतविज्जुभीसणभरि - अंबरि । घणगज्जियकयतट्टणट्ठहरिगयकयडंबरि ।
मुसलपमाणयमुक्तमेहजलधारसुपीवरि
तुज्झ खमा न हु पंकिलावि चंचलकमठासुरि ॥७॥ जय णयसुरवरवरकिरीडमणिचुंबियणहयल ! फणिफणमणिसंकंतकंतिकिम्मीरियणहयल ! अतुलसजलजलवाहसंगिअंजणगिरिमेहलनववेरुलियकरप्परोह ! फलिणीदलसामल ! ॥८॥ तुह आणाइ पिसाय भूअ अइकूर महग्गहसाइणि डाइणि डंबराइ णासइ गहविग्गह | तिहुअणजण आराहिआण भुवणत्तयसुप्पह ! तुह नामं चिय परममंतवरकज्जकरं मम (मह) ॥९॥ जे अडवीसु अडंति जंति गहणे पहलुंटणसंकप्पियणियतेणवित्तिपउरा चोरा जिण ! । ते पोरव्व ण तुज्झ णाममंतक्खरसमरणक[ण]परायणमाणसाण भयया भयभंजण ! ॥१०॥ पणवपुरस्सरकज्जसज्जलज्जानीउत्तर
अरिहं चिय सिरिपासणाहणामक्खरसइपर ।
असुरगरुलगंधव्वजक्खरक्खसवरकिंनर
नागाइसु अविलंघियाण अइरा होहिसि णर ! ॥ ११ ॥
Jain Education International
अनुसन्धान ३३
For Private & Personal Use Only
www.jainelibrary.org
