________________
63
आटीकसेऽङ्ग ! करिघोटीपदातिजुषि वाटीभुवि क्षितिभुजां चेटीभवंस्तदपि शाटी न ते वपुषि वीटी न वाऽधिवदनम् । कोटीररत्नपरिपाटीभृशाऽरुणितजूटीविधुं तनुलसत्पाटीरलिप्तिमिभधाटीजुषं सुरवधूटीनुतां भज शिवाम् ॥ ५ ॥ पण्डावदग्रिम ! पिचण्डाऽवपूर्तिमनुरण्डाविधेयकुटिलोद्दण्डाविवेकधनिचण्डालगेहभुवि दण्डाऽऽहतिं किमयसे । खण्डामृतद्युतिशिखण्डामुपास्व सुरखण्डार्चिताघ्रिकमलां भण्डासुरद्रुहमचण्डात्मिकां चितिमखण्डां जडात्मसुखदाम् ॥ ६ ॥
पाटला
गाढा त्वया सपदि राढापुरी वसुनि बाढाऽवबद्धरतिना सोढा तथा तपनगाढाऽऽतपप्रसररूढाऽतिवृष्टिविततिः । मूढाऽपि किं फलमगूढा जरेव शिरसोढा कुतो न विनुतो द्रोढा जनोर्जनितषोढामुखः समिति वोढा स हाटकगिरेः ॥ ७ ॥
दन्तावलाश्वभृति चिन्तापरोऽसि बत किं तावता वद फलं हन्ताऽखिलं क्व च न गन्ता तदेतदथ संतापमञ्चसि परम् । त्वं तात ! भावय *दुरन्तारमानवरतं तामसः स्वपिहि मा संतारकं विनतसंतानकं सपदि तं तावदाश्रय शिवम् ॥ ८ ॥
वन्दारुलोकततिमन्दारपादपममन्दायमानकरुणं वृन्दावनोढपशुवृन्दाऽवनं प्रणतवृन्दारकं चरणयोः । नन्दाऽऽदृतं कुशलसन्दायि तत्किमपि कन्दायितं श्रुतिगिरां कुन्दाभकीर्ति मुचुकुन्दाचितं हृदि मुकुन्दाह्वयं स्मर महः ॥ ९ ॥ क्रोधाऽऽकुलो विगतबोधाऽन्वयोऽसदनुरोधाऽनुगो न भव भोः साधारणी न खलु बाधा भवस्य भुवि गाधा न मोहवसतिः । वेधा गुरुश्च पटुमेधा विभुर्नहि निषेधाय कर्म विततेराधाय तात हृदि राधाविटाऽङ्घ्रियुगमाधारतां व्रज मुदाम् ॥ १० ॥
★ दुरन्ता रमाऽनवरतं ० इति स्यात् ।
Jain Education International
For Private & Personal Use Only
www.jainelibrary.org
