________________
29
ज्योतिः पतीनां भुवनाधिपानां, सद्व्यन्तराणां च विलासवत्यः । त्रयोऽपि ते देववरास्ततोऽपि, वैमानिका मर्त्यवराः स्त्रियश्च ||२०|| तिर्यग्वराः सिंहमृगाहिबभ्रु - मुख्याः प्रशान्त द्वितीयेऽथ वप्रे । संत्यक्तवैरा भगवद्वचांसि पपुः कणेहत्यकृतोर्ध्ववक्त्राः ||२१|| यानानि वप्रे तृतीये बभूवु नियंत्रणा नो विकथाभयं न । न मत्सरस्तत्र परस्परेणाऽभवज्जिनेन्द्रस्य कट प्रभावः ||२२|| आसन् प्रतिद्वारमिहावलम्बि ध्वजानि चञ्चन्मणितोरणानि । पंचालिका मङ्गलकानि चाष्टौ सत्पूर्णकुम्भा वरधूपघट्य : ॥२३॥ माणिक्यवप्रे प्रतिहारूपः सौधर्मनाथो वनजाधिपश्च । द्वारेऽवतस्थे भुवनाधिपोऽथ ज्योति: पतिस्ते तु विचित्रवर्णाः ||२४|| सौवर्णवप्रे विजया जया च, जिताभिधानाऽप्यपराजिता च । द्वारस्थिताः शस्त्रकरास्तथैताः दौवारिकत्वं विदधुर्जिनस्य ॥२५॥ वप्रे बहिस्तुंबरनामदेवः खट्वांगनामा पुरुषोऽस्ति माली । एते प्रतिद्वारमुदात्तदंडाः क्रमाज्जटामंडितमौलयोऽस्थुः ||२६|| मणीमयच्छन्दक एव आसीदीशानकोणे जिनविश्रमाय । माणिक्यवप्रस्य बहिः सुरौघैर्विनिर्मितः किं नु निजैर्महोभिः ||२७|| सद्देशनासद्मनिवृत्तरूपे, बहिस्थवप्रस्य किल प्रदेशे । द्वे द्वे भवतां वरपुष्करिण्यौ, कोणेषु चैका चतुरस्रके स्यात् ॥२८॥ गायन्ति नृत्यन्ति च देवसंघा जिनेन्द्रसंदर्शनतोऽतिहृष्टाः । प्रमोदमन्तःस्थमनासवन्तो धर्तुं विमुञ्चन्ति च सिंहनादान् ॥ २९ ॥ इन्द्रादिकः कोपि महर्द्धिकोऽथ समेति देवो यदि भक्तियुक्तः । सर्वं तदैकः कुरुते स यद्वा भक्तेः प्रभुत्वस्य च किं न साध्यम् ॥३०॥ अजातपूर्वः किल यत्र यत्र, महर्द्धिकः कोपि समेति देवः । इदं पुनस्तत्र भवेदवश्यं, सुप्रातिहार्याणि निरंतरं स्युः ॥ ३१ ॥ जगच्चमत्कारकरैश्चतुस्त्रिंशताभिरामातिशयैः समग्रैः । निर्वाणमार्गं प्रथयन् जनानां चिरं जगत्यां जयतात् जिनेन्द्रः ||३२||
Jain Education International
,
For Private & Personal Use Only
www.jainelibrary.org
