________________
[ 37 ]
इम चिंति कुमर करुणद्द-चित्त, अंसुय-जल- विलुलिय- तुरल - नित्त । सुयणत्त - विसेसिहिँ सुयण - नाम, हक्कारइ नियजण पेसि धाम ॥ ३५९ डाविय पुच्छ कुमर - राय, तउँ कवण कवण हउँ मुणसि भाय । इम जंपइ किंपिय तणुभयत्त,
सु जि सुयण सुघिणिघिणि सद्द - जुत्त ॥ ३६०
निन्नासिय तम - भरपूरसूर, नवि जाणइ उग्गिय कोइ सूर । बहु - नरवइ - नामिय-सीसईस, कोइ अच्छहि बहुगुण तउँ खितीस || ३६१ हउँ रंक रोर-भर- भरिय - देह, सिउँ पुच्छसि नरवर वत्त एह । तव बुल्लइ कुमर न भणसि सच्च न,
अज्ज - वि जइ तउ मुझ एह वच्च ॥ ३६२ नवि धरउँ हणउँ नवि कहुउं किंपि, जिम अच्छइ तं तह - सव्व जंपि ॥ नवि जाणउँ सामिय किंपि तत्त, तव बुल्लिउ कुमर - नरिंद वत्त ॥ ३६३ वण--भितरि अंतरि ईस - साखि, तिहँ धम्म - अहम्मह विगति दाखि । उवयार-सार तइँ किद्ध सुयण, लिद्धाँ ललियंगकुमार - नयण ॥ ३६४ तउँ हुइ सुयण हउँ कुमर तेउ, मिल्हिउ वण निब्भर स्यणि जेउ । इम सुणिय सुयण तसु वयण जोइ,
उलक्खिय अहो - मुहि दुहिउ जोइ ॥ ३६५
कुंडलिया
अह ललियंगकुमार तसु दिद्धउ बहुअ पसाउ । अवगुण किद्धइ गुण करइँ गरुआ एह सहाउ || ३६६ गरुआ एह सहाउ चाउ - चतुरिम - गुण - चंगा । साउ-जल सुसमत्थ सदा गुणियण-जण-संगा ॥ न्हाण - दाण- बहुमाण भत्ति भोयण - सुयणह सह । कारिय बहुअ पसाउ - राउ ललियंगकुमारह || ३६७ उत्तम उत्तम सहज निय मिल्हइँ नवि-मरणंति निनाडिय ताविय तोलिय वि कणय समुज्जल-कंति । कणय समुज्जल- कंति घसिय जिम चंदणि परिमल इच्छु- दंड कियखंड सुघण पल्लंत सुर सहलं ॥
Jain Education International
For Private & Personal Use Only
www.jainelibrary.org
