________________
दुन्नि सुवन्नसयाई, रुप्पपला अट्ठ तह य दिणभोगो । मोत्ताईयं सव्वं, दोन्नि सहस्साण वरभोगे ।। ३८ ।। नियएणं काएणं, इय भोगवयं इमं मए गहियं । कज्जे बहु सावजे, कम्मादाणाइ वित्ति (५/२) कए ।। ३९ ।। इंगालविक्कयं इट्टधाय कुंभारलोहयाराण ।। सुवनार-भाडभुंजाइ-याण वित्तीउ वोसिरिया ।। ४० ।। वणछेयाओ वणविक्कएण तंबोल-पुप्फ-पणिएण । आरामरोयणेण य, जा वित्ती तीय विणिवित्ती ।। ४१ ।। सागडियत्तं न करे, भाडीकम्मं च फोडिकम्मं च । दंताणं लक्खाए, रस-केस-विसाण - वाणिज्जं ।। ४२ ।। जंतपीलण - निलंछणाइ, दवदाणं सरविसोसं च । असईपोसं नियमो, वेसाईपोसणाईयं ।। ४३ ।। मणुयाण विक्कयं नो, (६/१)करेमि दस तिरिय वरिसमझंमि । लाहत्थं लोहतिल्ले, न विक्कणे भाडयं दुसयं ।। ४४ ।। चउ चुल्लीसंधुक्कणं, दिवसंतो वीस जलघडुव्वहणं । खंडण-पीसण-पयणे, पत्तेयं कलसिया पंच ।। ४५ ।। अवज्झाण-पमायायरिय हिंसादाणे य पावउवएसे । चउहा अणत्थदंडोत्ति, तत्थ नियमा कमेण इमो (मे) ।। ४६ ।। खयरनरिंदत्ताई, देसाइवघाय वईरमणाई । अच्चंतमसंबद्धं, पहराउ परं व चिंतेमि (ठवितेमि ?) ।। ४७ ।। मजं विसय - कसाया, निद्दा विगहा य अहव आलस्से । (६/२) इयणेगहा पमाओ, तत्थ पुरा नियमियं मज्जं ।। ४८ ।। वद्धावणाय मोत्तुं, वित्तिपयाणेण गीयनट्टाई । भोगत्थं नियमे तह, अणुबद्धकसायकरणं च ।। ४९ ।। अद्धाण गिलाणत्तं, मोत्तु न सुवामि रयणि पहरद्धं । जिणमंदिरभूमीए, आसायणदसगा परिहारे || ५० ।। तिरियाभेडण सव्व, जूयदोलाजलाई - कीलाओ। इय बहुविहं पमायं, सपच्चवायं चयामि सया ॥ ५१ ।।
[18]
Jain Education International
For Private & Personal Use Only
www.jainelibrary.org
