________________
जह नरवईण चक्की, गिरीण मेरू सरीण सरिवाहो । देवाण वीतराओ, जह तह धम्माण जीवदया ।। ९ ।। कन्ना - गो - भूमी - लिय, नासवहारं च कूडसखे (क्खे)जं । अलियं पंचपयारं, (२/१)वाय-काएहिं न भणामि ।। १० ।। थूलमदत्तादाणं, सचित्ताचित्तमीसवच्छु(त्थु)म्मि । जं रायनिग्गहकरं, तं वजे निययकाएणं ।। ११ ।। सगिहेसु य मम दत्तं, पत्तं पूर्फ फलं च तिणकटुं । सुंकुंववहारविसुं, मरीयं च मोत्तूण मे नियमो ।। १२ ।। दुविहं तिविहेण दिव्वं, एगविहं तिविहओ य तेरिच्छं । नियभत्तारं मोत्तुं, सेवेमि न निययकाएणं ।। १३ ।। वज्जेज्जा मोहकरं, पुरिसाणं दंसणाय सवियारं । एए खु मयणबाणा, चरित्तपाणे विणासिंति ।। १४ ।। सव्वगुणालंकारो, (२/२) कुगयदुवारंमि अग्गला सीलं । सोयाणपंतिया इव, सीलं सग्गापवग्गाणं ।। १५ ।। सीलं सुगइनिहाणं, नमंति देवा वि सीलवंताणं । दमदंति-सीय-रोहिणि, मणोरमा-सुलसदिटुंतो ।। १६ ।। इच्छापरिमाणवयं, धणम्मि - धन्नम्मि खेत्तवत्थुम्मि । रुप्प सुवन्ने कुविए, दुपए चउप्पएसं (सुं) च ।। १७ ।। तत्थ धणं चउभेयं, गणिमं धरिमं च मेय-परिछेज्जं । गणिमे दम्मसहस्सा, रोक्कडया मोक्कला दोन्नि ॥ १८ ॥ गणिमं धरिमं मेजं(ज), परिच्छेज्जं च चरविहं भंडं । (३/१) पत्तेयं होउ महं, दम्मसहस्साणि दुन्हंपि ।। १९ ।। साली-वीही-कोद्दव-गोहुम-मुग्गाणि सव्वधन्नाणं । माणं मूडगसट्ठी, तेल्ला पुण गेहपाउग्गा ।। २० ।। घय-तेल्लघडगचत्ता, नियमो खेत्तस्स तिन्नि घर-हट्टा । अट्ठ य रुप्पपलाणं, दोन्नि सया तह सुवन्नस्स || २१ ।। कुवियं सहसपमाणं, नियमो दासाण पंच कम्मयरा । वाहणदुग - चउधेणू, छव्वसहा छेलिया दोन्नि ।। २२ ।।
[16]
Jain Education International
For Private & Personal Use Only
www.jainelibrary.org
