________________ सदहदि य पत्तेदि य, रोचेदि य तह पुणो य फासेदि। धम्म भोगनिमित्तं, ण दु सो कम्मक्खयणिमित्तं / / 55 / / सुहपरिणामो पुण्णं, असुहो पाव ति भणियमन्नेसु। परिणामो णन्नगदो, दुक्खक्खयकारणं समये।।५६।। पुण्णं पि जो समिच्छदि, संसारो तेण ईहिदो होदि। पुण्णं सुगईहेंदु, पुण्णखएणेव णिव्वाणं / / 57 / / कम्ममसुहं कुसीलं, सुहकम्मं चावि जाण व सुसीलं कह तं होदि सुसीलं, जं संसारं पवेसेदि।।५८।। सोवण्णियं पि णियलं, बंधदि कालायसं पि जह पुरिसं। बंधदि एवं जीवं, सुहमसुहं वा कदं कम्भ।।५९।। तम्हा दु कुसीलेहिं य, रायं मा कुणह मा व संसग्गं। साहीणो हि विणासो, कुसीलसंसग्गरायेण।।६०।। वरं वयतवेहि सग्गो, मा दुक्खं होउ णिरई इयरेहिं। छायातवट्ठियाणं, पडिवालंताण गुरुभेयं / / 61 / / Jain Education International For Private & Personal Use Only www.jainelibrary.org
