________________ हत्थि-हत्थ-बाहुं धंत-कणग-रुअग-निरुवहय-पिंजरं पवर-लक्षणो-वचिय-सोम-चारु-रूवं सुइ-सुह-मणाभिराम-परम-रमणिज्जवर-देव-दुंदुहि-निनाय-महुर-यर-सुह-गिरं. वेड्ढओ.9. अजिअं जिआरिगणं, जिअ-सव्व-भयं भवोह-रिउं. पणमामि अहं पयओ, पावं पसमेठ मे भयवं. रासा-लुद्धओ.10. कुरु-जण-वय-हत्थिणा-उर-नरीसरो पढमं तओ महा-चक्क-वट्टि-भोए महप्पभावो जो बावतरि-पुर-वर-सहस्स-वर-नगर-निगम-जण-वय-वई बत्तीसा-राय-वर-सहस्साणुयाय-मग्गो. चउ-दस-वर-रयण-नव-महा-निहिचउ-सट्ठि-सहस्स-पवर-जुवईण सुंदर-वई चुलसी-हय-गय-रह-सय-सहस्स-सामी छन्नवइ-गाम-कोडि-सामी, आसी जो भारहम्मि भयवं. .वेड्ढओ.11. तं संतिं संति-करं संतिण्णं सव्व-भया. संतिं थुणामि जिणं, संतिं विहेउ मे. रासा-नंदिअयं.12. इक्खागा विदेह-नरीसर। नर-वसहा। मुणि-वसहा। नव-सारय-ससि-सकलाणण! विगय-तमा! विहुअ-रया!. अजिउत्तम-तेअ-गुणेहिं महामुणि! अमिअ-बला! विठल-कुला। पणमामि ते भव-भय-मूरण। जग-सरणा। मम सरणं. .....चित्त-लेहा.13. देव-दाणविंद-चंद-सूर-वंद! हट्ठ-तुट्ठ! जिट्ठ! परम-लट्ठ-रूव! धंत-रुप्प-पट्ट-सेअ-सुद्ध-निद्ध-धवल-दंत-पंति।. संति! सत्ति-कित्ति-मुत्ति-जुत्ति-गुत्ति-पवर! दित्त-तेअ-वंद-धेय। सव्व-लोअ-भाविअ-प्पभाव! णे! पइस मे समाहि.नारायओ.14. विमल-ससि-कलाइरेअ-सोमं वितिमिर-सूर-करा-इरेअ-तेअं. तिअस-वइ-गणाइरेअ-रूवं धरणि-धर-प्पव-राइरेअ-सारं. सत्ते अ सया अजिअंसारीरे अ बले अजिअं. तव-संजमे अ अजिअं, एस थुणामि जिणं अजिअं. Jain Education Intemational For Private & Personal Use Only www.jainelibrary.org
