________________
86
एगुणवन्नदिणाई भवट्ठिई उण तिइंदिय जियाण । मासा छ च्चिय चउरिदियाण पंचिदियाण पुणो ॥१७८।। संमुच्छिमाण पुवकोडी इयराण तिन्नि पलियाई । उक्कोसओ जहन्नं दोसु वि अंतोमुहुत्तं तु ॥१७९।। जओ अणंत-वणप्फइ-काए तेसिं जहन्नमुक्कोसं । अंतोमुहुत्तमेव य एवं एसा भवट्ठिइत्ति ॥१८०।। कायट्ठिईए कालो पुण मोहमहानिवेण कारविओ। तेसिं जहा जहा भे निसुणह अवहिय-मणा होउं ।।१८१।। अस्संखोसप्पिणि-सप्पिणीओ काएसु चउसु वि कमेण । ताओ चेय वणस्सइकाएणं ताउं नियाओ ॥१८२।। वाससहस्सा संखेज्जया उ बेइंदियाइसु हवंति । अट्रेव भवग्गहणाइं होंति पंचिँदिएसु पुणो ||१८३॥ एवं भवट्ठिईए कायट्ठिईए य ते निरंभेउँ। असुहद्दुयस्सरुवे कारवइ असाय-सुहडेहिं ।।१८४।। एवं असुहावन्नाइणो वि पाएण बायरे काए । जम्हा कप्पूरागुरु-पमुहे कत्थ वि सुहावि हु ते ॥१८५॥ नीयागोयस्सुदओ पुण सव्वाए वि तिरियजाईए। नीयागोयवसेणं अप्पबहुत्तेण उ विसेसो ॥१८६।। मणुयगई-नयरीए वि निवई मणुयाउपालअभिहाणो । सायासायाइपभूय-सुहड-परिविहिय-साहज्जे ॥१८७।। पलियाई तिन्नि उक्कोसेणं गब्भोववन्न-मणुयाण । आउट्ठिई जहन्नेणं पुण अंतोमुहुत्तं ति ।।१८८|| कायट्ठिई पुणो भवगहणाई अट्ट हवइ अणवरयं । तयणंतरं च मणुयाउपाल-निवई मणूसाण ॥१८९|| इट्ठ-विओगा पिय-संपओगपमुहाई कुणइ असुहाई। सारीरमाणुसाइं असायसुहडं निजुंजेउं ॥१९०॥ साओदयाइहितो के वि सुहाई पि अणुहवावेइ । नीयागोयाईहिं उ नीयागोयत्तणदुहाई ॥१९१।।
Jain Education International
For Private & Personal Use Only
www.jainelibrary.org
