________________
५८
अनुसन्धान-५०
भणइ ताव रुट्ठो सो 'हुंकारमपि केवलं ।
जइ देसि न मे ? आसा केरिसी चिंतिए तया ? ॥३८॥ चिंतामणि त्ति ते नाम मुसा जंपिज्जए सया । तुह संपत्तीए नेव चिंता फिट्टेइ मे मणे ॥ ३९ ॥ रध्धा-तक्केहि योऽहं तु विणा ठाउं न सक्किओ । खणमवि न सोहं किं मरामि उववासओ ? ॥४०॥ तम्मारणकए मज्झ वण्णिओ सो उ तेण य' । भणित्तु इय तेणेसो लंखिओ सो उ संमणी ॥४१॥ नमित्तु जयदेवो सो चिंतामणिं गहित्तु य । नयराभिमुहं सिट्ठी चलिओ जयदेवओ ॥४२॥ विहिणाऽऽराहिओ तेण जयदेवेण सो मणी । चिंतियत्थप्पदाणेण सच्चं चिंतामणी स उ ॥४३॥ मणिमाहप्पओ मग्गे वेहवोल्लसिओ पुरे । सुबुद्धिसिट्ठिणो धूयं वूढो य रयणावई ||४४|| परिवारजुओ चेव जणगीयगुणो तहा । संपत्तो नियनयरं पणओ पियराण य ॥४५॥ वण्णिओ बहुमाणेण सो तेहिमभिणंदिओ । रण्णा पसंसिओ चेव आनंदभरिओ पुणो ॥४६॥ थुणिओऽसेसलोगेहिं भावेहिं भूरिमाणओ । भोगाणं भायणं जाओ सव्वहा जयदेवओ ॥४७॥ उवणओ य नायस्स नायव्वोऽयं बुहोइओ । अन्नमणिखणितुल्ला देवाईणं गई जओ ॥४८॥ मणिवईसमा चेव माणवेण लहिज्जइ । मस्सगई सव्व - पुण्णरासिवसेण य ॥४९॥ जिहिं जियदोसेहि सोहिएहिं सिरीहि य । चिंतामणिसमो तत्थ धम्मोऽत्थि अइदुल्हो ॥५०॥ पसुवालो जहा नेव पत्तो चिंतामणिं मणि । वणिपुत्तस्स पुण्णस्स लाहो जाओ मणिस्स य ॥५१॥
