________________
फेब्रुआरी - 2006
3
पडिएण भवसमुद्दे अणंतकालाउ तं पहू पत्तो ।
तह वि य वेहं (विरहं?) मह जं कारेसि तं नाह ! किं कज्जं? ॥५।। हुं विनायं अज्ज वि पहु त्ति सम्मं तुमं न पडिवत्रो । न हि माणस(भ?)रसंगे (?) तम्हा रोरं पि दूमेइ ॥६।।
पहु ! करुणारसिएण वि एगागी हरिणजूहपब्भट्ठो ।
हरिणल्लुओ ब्व मुक्को किहु ण(कह णु ?) तए भीमभवरन्ने ? ॥७॥ सच्चं तुमं निरीहो गयनेहो सयलमुक्कवावारो । अइदुहियं इक्कं चिय तह वि ममं निव्व(ब्बु)यं कुणसु ॥८॥
कि दोसो कम्माणं ? किं वा दोसो इमस्स कालस्स ? ।
किं वा मज्झ वि एसा अजुग्गया नाह ! दुट्ठस्स ? ॥९॥ जिण ! समु(मोत्थो वि दयालुओ वि भुवणोवयारनिरओ वि । दीणं पत्थंतस्स वि न नाह ! मह निव्वुयं(इं) देसि ! ॥१०॥
पिच्छंतो बहु सच्चं लोयालोयं मुर्णिद ! नियभिच्चं ।
कह न ममं चिय इक्कं भावारिविडंबियं नियसि ? ॥११॥ रागाईहि परद्धो भीओ तुह नाह ! सरणमल्लीणो । पक्खिवसु ता ममोवरि करुणारसमंथरं दिढेिं ॥१२॥
विसयपरिभोगतण्हा ओसरउ खणं पि ताण कह नाह ! ।
जेहि न पीयं कन्नंजलीहि वयणामयं तुम्ह ॥१३| तुह समयामयसिंधु(धू) जाण जाओ न निद्धओ अप्पा (?) । कह समय(इ) ताण सामी कसायदवदहणसंतावो ? ॥१४॥
रागाइतक्करहिं सयमवि मुसियाइ तित्थियपुराई ।
तेण तुह सासणपुरे तेसिमविसए वसंति बुहा ॥१५॥ नियसंवेयणसिद्धं थिरं मणो तुज्झ सासणे मज्झ । मझुवरि पुणु न याणे पहु ! करुणा केरिसी तुम्ह ? ॥१६।।
विसयासुइरसगत्ते अणाइभवभावणाए घिप्पंतो । मज्झ मणो अणवरयं कह वि तुमं धरसु जह नाह ! ॥१७।।
Jain Education International
For Private & Personal Use Only
www.jainelibrary.org
