________________
जून २००८
४२
सच्चिय जीहा जीहा जा तुह थोत्ते समुज्जया नाह ! । तं चिय भालं भालं जं पयकमलं तुह नमेइ ॥ १९ ॥ मेरुपि व अइगरुयं खमाहरं देव ! तं धरं ठावि । जं संसारसमुदं तरंति भविया तमच्छरियं ॥ २० ॥ हिययजलहिमि सामिय ! जाण तुमं मंदरोव्व परिभमिओ। भावणअमियं जावइ निरुवमसुहकारणं ताण ।। २१ ॥ पई दिटे जयबंधव ! जं मह जायं मणमि किंपि सुहं । तं मोक्खंमि वि होही ई मह हिययं न सद्दहइ ।। २२ ॥ तुह पयकमलनिरूवण-निच्चुज्जुयमाणसो अहं सामि ! | नयणनिमेसंपि तया मन्ने विग्धं समोइन्नं ।। २३ ।। जेहिं तुमं गुणसायर ! धरिओ हियए खणपि सद्धाए । ते वि हु हुंति कयत्था आजम्मं किं पुण थुणंता ॥ २४ ॥ तुज्झ सरूवे नाए संपत्ते नाह ! दंसणे तह य । तं एगं मह मोत्तुं अन्नत्थ मणं न हु रमेइ ।। २५ ।। एसा तियलोयलच्छी एसोच्चिय मह महसवो परमो । जं पयकमलं सामिय ! भमरेण व तुह मए दिटुं ॥ २६ ।। इयु रयणसिंहसूरीहिं संथुयं जे थुणंति नेमिजिणं । ते दुत्तरभवसायरपारं पाविय लहंति सिवं ॥ २७ ॥ छ । छ ।
8
(२१) श्री पुण्डरीकगणधर स्तोत्र पणमिय पढमजिणिदं सीसं तस्सेव सयलजयपयडं । अगणियमंगलनिलयं पुंडरियं गणहरं थुणिमो ॥ १ ॥ जेण इह भरहखेत्ते चउदस पुवाइं भवियकुमुयाणं । पढमं पयासिऊणं चंदेण व वियरिओ हरिसो ॥ २ ॥ तं भरहचक्कवइणो पुत्तं कोडीहि पंचहि समेयं । सेत्तुज्जे सिद्धिगयं पुंडरियं गणहरं वंदे ।। ३ ॥
Jain Education International
For Private & Personal Use Only
www.jainelibrary.org
