________________
जून २००८
२९
देवासुरसत्थेहिं सत्थेहिं वि तं जिणिंद ! संथविओ। थवियंपि वत्थुअत्थं अत्थोयं पि हु वियाणंतो ॥ ४ ॥ आणतो आणंदं आणं दंसेसु तं नियं मज्झ । मज्झत्थभाववत्ती बत्तीससुरिंदनय ! नाह ! ॥ ५ ॥ नाह ! महं नो संपइ पइं जिण ! लहिउँ पइं जयब्भहियं । हियमवरं अलहंतो हंतो नन्नं नमसामि ॥ ६ ॥ सामि ! तुमं जयदीवो दीवो आसासओ भवसमुद्दे । मुद्देमि कुणइ वारं वारं एक्कंपि जइ दिट्ठो ॥ ७ ॥ दिटुं ताण सुहाणं सुहाण जिण ! सासयाण तं भवणं । भवणं भवंमि पूणरवि रविसम ! किं मह तए पत्ते ? ॥ ८॥ पत्ते नलिणिनिलीणे जलबिंदु(दू)ए जह चलतं । लत्तं तह जिण ! जीयं जीया किं तो पमायंति ॥ ९ ॥ मायं तिहावि तिरसिय सियवायं नाह ! तुह धरतेण । ते णमिउं पयकमलं मलरहियप्पा मए नाओ ॥ १० ॥ नाओ जिणिदकहिओ हिओ समग्गंमि जीवलोगंमि । लोग मिच्छाभिरयं रयरहियं कुणसु तत्तेण ।। ११ ।। तत्तेण मए बहुसो बहुसोयानलपलित्तभावेण । भावेण कहवि सुहओ सुहओ तं नाह ! संपत्तो ।। १२ ।। इय गहिय-मुक्क-रयणेहिं थुणियजिण ! रयणसूरि नियरेहिं । पत्थिज्जमाण ! जयगुरु ! सुहियमिणं कुणसु जियलोयं ।। १३ ।।
003
(१०) श्री नेमिनाथ स्तव जय जय नेमि जिणिद ! तुहु मंडणु आहरणाई। भवियजणह जंपंति फुडु पुण्णह आहरणाई ॥ १॥ घणसामलि जिण ! देहि तुहु किह सिय सोहइ कति । घणसारह मंडणमिसिण एह बलायहपंति ॥ २ ॥
Jain Education International
For Private & Personal Use Only
www.jainelibrary.org
