________________
जून २०१२
-
जंबुदीवि चत्तारि जिण धायईसंडिहिं अट्ठ । पुक्खरद्धि तह अट्ठ इम वीस नमउं गय-कट्ठ ॥२॥ सामिय करुणारसभरिय सीमंधर जिणराय । नियदंसणु दइ अमिय- समु पूरि मणोरह ताय ॥३॥ जाणउं ते सुकयत्थ जण जे तुह वयण सुणंति । धन्नति जे तुह करि चरणु पामिय कम्म हति ॥४॥ पावपंक जगउद्धरण सधर जुगंधर सामि । भव सायर उत्तारि मम लीणउ छउं तुह नामि ॥५॥ मयणानलि संतावियउ वंछउं तुह पय छांह । नंदणवण सम बाहुजिण दइ अवलंबण बांह ||६||
जीव जोनि चउगइ भमिउ जिण चउरासी लक्ख । सिरि सुबाह हिव तुह सरणि आविउ दय करि रक्ख ||७||
गुण संकुल कमलानिलय निम्मल सामि सुजाय । करउ केलि महु हियइसरि कमलोवम तुह पाय ॥८॥ सामि सयंपहु सो जयउ जसु पसाइ मयकुंभो । मोह महाभडु भंजि करि ऊभिज्जइ जस खंभो ॥९॥ गुण-काणण सिंचण सुघण रिसहाणण पय- रंगो । किम पामिय हुं रंजवियो निय मणे स सारंग ॥ १०॥ जे नमंति मनि खंति धरिऽणंतवीरिय पय कंत । भोगवंति ते भविय जण सिव सुह- रिद्धि अनंत ॥११॥ पहु सूरप्पहु संघवणि नाण - किरण गण चूरि । पुन्नपयोहर उल्लसिय पाव तिमिर गय दूरि ॥१२॥ ते अजरामर हुंति जिण सिरि तित्थयर विसाल । सवणंजलि जेति तु पीयइं वाणिय अमिय-रसाल ॥१३॥ नाण महीधर वज्जवर पुद्धर वयरधर धीर । रक्ख रक्खि जिण वज्जधर रयणायर गंभीर ॥१४॥
३
