________________
२४
अनुसन्धान-५६
जो कुललेअयगस्समन्नियस्स कुललस्स पासिय विलोवं । रोए सीलचरित्तं तं वंदे निन्नकुलपुत्तं ॥१५४॥ सययं भवोहमहणस्स जस्स निन्नकुलपुत्तसीहस्स । नामग्गहणे वि कए भविया आणंदिया हुंति ॥१५५॥ निन्नकुलपुत्तसीहस्स तस्स निन्नकुलपवरपुरिसस्स । पणमामि पययमणसो भावेण विसुद्धभावस्स ॥१५६॥ जस्स चमरो सरीरे देविंदो उभयओ वि रुब्भित्था । परिनेव्वुयस्स अरहओ वणसंडे तं नमसामि ॥१५७॥ सव्विड्डीय सपरिसो जस्स सरीरमहिमं सुराहिवई ।। काऊण पंजलियडो थुणइ य महुराहिं वग्गूहिं ॥१५८॥ सुंदरदियलोयचुयं सुंदरकुलवंस सुंदरचरित्तं । सुंदरगइनिब्भेलण धुयरय सिरसा नमसामि ॥१५९॥ अवगसियराग अवगसियदोस अवगसियसव्वसंसार !। अवगसियसव्वबंधण पवरसिवर्गईंगय ! नमो ते ॥१६०॥ जो 'गेवेज्जाहि चुओ आयाओ जउकुले विसालम्मि । तं देवईप्पसूयं गयसुकुमालं नमसामि ॥१६१॥ । जं तं अम्मापियरो जिणवरवसभैस्स रिट्ठनेमिस्स । दासीय सीसभिक्खं गयसुकुमालं नमसामि ॥१६२॥ सव्वंगसुंदरंगो गयसुकुमालो पिओ बहुजणस्स । जो समणो पव्वइओ चइऊण धणं अपरिमेज्जं ॥१६३॥ हलहर-चक्कहरकणिट्ठएण तह लट्ठएण होऊणं । समणत्तणमणुचिन्नं गयसुकुमालेण धीरेण ॥१६४॥ पुरिसच्छेरयभूयं गयसुकुमालस्स जोव्वणं आसि ।
१. कुललपहगरसम० खं. २ । २. सयय भटवाहम० खं. २ । ३. तस्स खं. २ । ४. ०णम्मि कए खं. २ । ५. होति खं. २ । ६. नास्ति खं. २ । ७. अंजलिउडो खं. २ । ८. सुमहुरा० खं. २ । ९. ०लय० खं. २ । १०. संसारं खं. २। ११. गइं गय खं. २। १२. गेवि० खं. २ । १३. देवईप० खं. २ । १४. ०वसहस्स खं. २ । १५. पि खं. १ । १६. पहु० खं. २। १७. होऊण खं. २ । १८. चिण्णं खं. २ ।
