________________
"धूमावली"- प्रकरणम् ॥ असुरिंदसुरिंदाणं किनरगंधव्वचंदसूराणं । विजाहरियसुराणं सजोगसिद्धाण सिद्धाणं॥१॥ मुणियपरमत्थवित्थर-विगिट्ठविविहतवसोसियंगाणं। सिद्धिवहुनिब्भरक्कंठियाण जोगीसराणं च॥२॥ जे पुज्जा भगवंतो तित्थयरा रागदोसतमरहिया। विणयपणएण तेसिं समुद्भुओ मे इमो धूओ॥३॥ तित्थंकरपडिमाणं कंचणमणिरयणविद्दुममयाणं । तिहुअणविभूसगाणं सासय-सुरवरकयाणं च॥४|| चमरबलिप्पमुहाणं भवणवईणं विचित्तभवणेसु। जाओ य अहोलोए जिणिदचंदाण पडिमाओ॥५॥ जाओ य तिरियलोए किनरकिंपुरिसभूमिनयरेसु। गंधव्वमहोरगजक्खभूय तह(य)रक्खसाणं च॥६॥ जाओ य दीवपव्वय-विज्जाहरपवरसिद्धभवणेसु। तह चंदसूरगहरिक्ख-तारगाणं विमाणेसु॥ ७॥ जाओ य उड्डलोए सोहम्मीसाणवरविमाणेसु। जाओ मणोहरसणंकुमारमाहिंदकप्पेसु॥ ८॥ जाओ य बंभलोए-लंतयसुक्के तहा सहस्सारे। आणयपाणयआरण-अच्चुयकप्पेसु जाओ य॥ ९॥ जाओ गेविज्जेसुं जाओ वरविजयवेजयंतेसु।
Jain Education International
For Private & Personal Use Only
www.jainelibrary.org
