________________
अनुसन्धान-४०
सिरि नमिणाह-थुत्तं नमिनाह ! नमामि तुमं कयत्थमप्पाणयं विहेउमणो । तं पाणयाओ मिहिलं आसोए पुनिमाइ गओ ॥१॥ जाओसि विजय-वप्पाण सावण-कसिण-अट्ठमीइ तुमं । पन्नरसधणूसिय उप्पलंक तवणिज्जरमणिज्ज ॥२॥ अड्डाइज्जा कुमरो वास-सहसा य पंचनरनाहो । होउं सहसंबवणे नर-सहसेणं विहियछट्ठो ॥३॥ आसाढकसिण-नवमीइ निग्गओ परदिणम्मि पत्तोसि । परमन्नं दिनाओ अह नवमासेहिं तम्मि वणे ॥४॥ मग्गसिरसि इक्कारसि हयनाणावरण गणहरा जाया । सत्तदस साहु-साहुणिसहसा वीसेगचत्ता य ॥५॥ भिउडी गंधारी वि य भत्ता हरिसेण चक्कवट्टी य । तुह वयमड्ढाइज्जा वाससहस्सा दसाउं च ॥६॥ छसु वच्छरलक्खेसु गएसु मुणिसुव्वयाउ सम्मेए । ' वइसाह-कसिण-दसमीइ सह सहस्सेण साहूणं ॥७॥ सम्मत्ताइगुणे हि लद्धं तित्थयरनाममइदुलहं । मुत्तूण तंपि पत्तोसि मुक्खसोक्खं नमो तुज्झ ॥८॥
सिरि णेमिणाह-थुत्तं सिरिनेमिणाह ! मोहेण भुवणमवराइयं तुमं काउं । बहुलाए कत्तिय-बारसीइ अवराइयाउ भुओ ॥१॥ जाओसि सिवादेवी-समुद्दविजयाण सोरियपुरम्मि । सामंग दसधणूसिय सावण-सिय-पंचमीइ तुमं ॥२॥ संखंक कुमारोच्चिय कुमरत्ते गमिय तिन्नि वाससए । सावण-सिय-छट्ठीए छटेणुज्जितगिरिसिहरे ॥३।।
Jain Education International
For Private & Personal Use Only
www.jainelibrary.org
