________________
राया नायरलोओ आणंदो गिहवई वि ओसरणे । पविसित्तुत्तरदारे काऊण पयाहिणं पहुणो ॥ ४८॥ पणि (ण) मित्तु चलणजुयलं उवविट्टो पुष्वउत्तरदिसाए । तो धम्मकहं एवं वीरजिणो कहिउमाढत्तो ॥ ४९ ॥ भो भो भव्वा सव्वे वि, पाणिणो सुक्खकंखिणो लोए । सुक्खं पुण धम्माओ पाविज्जइ, सो य इह दुविहो ॥५०॥ पढमो मुणीण धम्मो बीओ सुस्सावयाण विन्नेओ । पंचमहव्वयरूवो, पढमो सम्मत्तसहियस्स ॥ ५१ ॥ जीववह- मुसा - ऽदत्ता- मेहुन्न - परिग्गहेसु जाजीवं ! तिविहतिविहेण विरई अक्खेवेणेस सिवजणओ ॥ ५२|| पंचाणुव्वय-तिगुणव्वयाई सिक्खावयाई चत्तारि । सम्मत्तेण जुयाइं सावयधम्मो इमो बीओ ॥५३॥ एसो वि कमेणं चिय सिवपुरपहपवरसंदणसरिच्छो । जं भवगहणं नित्थारिऊण पावेइ सिवनयरं ॥५४॥ जे पुण पमायवसओ एयं दुविहं पि नो वज्र्ज्जति । ते बद्धनिबिडकम्मा भमंति संसारकांतारे ॥५५॥
अनुसन्धान ४८
तम्हा जो सिग्घं चिय मुत्तिसुहं वंछए निराबाहं । सो साहुधम्मपडिवज्जणेण सहलं कुण्ठ जम्मं ॥५६॥ जो पुण तं असमत्यो काउं, सो सावयाणमिह धम्मं । सम्मत्तमूलमइयार - वज्जियं सम्ममायरउ ॥५७॥ अक्खेवमोक्खसोक्खा - भिलासिणो जे महासत्ता । ते तिहुयणपहुवयणं, सोऊण वयं पवज्जति ॥५८॥ असमत्था जे काउं पव्वज्जं, ते वि सावयवयाई । सम्मत्तसंजुयाई पडिवन्ना वीरपासम्मि ॥५९॥ जियसत्तुनरवरिंदो वंदिय पयपंकयं जिणिदस्स । नियनयरमणुपविट्ठो नायरलोएण सह तुट्ठो ||६०|| आणंदो वि हु सवणंऽजलीहिं जिणणाहवयणकमलाओ । वयणामय-मयरंदं पाउं भमरो व्व संतुट्ठो ||६१||
Jain Education International
For Private & Personal Use Only
www.jainelibrary.org
