________________
२२
अनुसन्धान ४८
तो णं देवाणुपिया ! सिद्धत्थनरिंदनंदणो भयवं । एक्को च्चिय पुहवीए महसत्थाहो महावीरो ॥२३९।। संसारमहसमुद्दे उब्बुड-निब्बुड(ड्डु) णाई कुणमाणे । नित्थारिय बहुजीवे धम्म[म]ईए उ नावाए ॥२४०।। निव्वाणतीरऽभिमुहे पावइ नियकरयलेण सो जम्हा । तेण महानिज्जामय-सद्देणं भन्नए वीरो ॥२४१।। तत्तो सद्दालपुत्तो सो सोऊणं गुणसंथवं । जहत्थं वीरनाहस्स हट्ठत्तुट्ठो पयंपइ ॥२४२॥ इयछेओ इयनिउणो तुममेवं वयणलद्धिसंपन्नो । मंखलिपुत्त ! पहू ?, मे धम्मायरिएण वीरेण ॥२४३।। धम्मोवएसएण सद्धि काउं विवायमिहमहुणा । तो गोसालो पभणइ 'नो एसट्टे समठे'त्ति ॥२४४।। जम्हा जहा को वि नरो तरुणो बलवं सुपीवरसरीरो । अय-मिग-सूअर-कुक्कुड-तित्तिरि-लावाइए जीवे ॥२४५।। हत्थे वा पाए वा पुच्छे वा गहिय निच्चले धरइ । एमेव ममं वीरो धरइ दढं हेउ-जुत्तीहिं ।।२४६।। तं न सहो काउमहं वायं सद्दालपुत्त वीरेण । तुह धम्मायरिएण परवाइगइंदसीहेण ॥२४७॥ तो वीरजिणजहट्ठियगुणगणहावज्जिओ सुदिट्ठी । सो सद्दालपुत्तनामा उवासगो भणइ गोसालं ॥२४८।। जं वीरजिणस्स तुमं गुणसंथवं करेसि सब्भूयं । पीढ-फलगाइएहिं तुमं निमंतेमि तेणाहं ।२४९।। 'नो धम्मो'त्ति तवो त्ति य काउं, तं गच्छ कुंभसालासु । मह पाडिहारियासुं जहामुहं चिट्ठ तं तत्थ ॥२५०।। तो तव्वया ठाउं तत्थ तओ पन्नवेइ सद्दि४ि । आजीवियदिट्ठि पइ बहुसो सद्दालपुत्तं सो ॥२५९।। नो तं निग्गंथाओ पावयणाओ स चालिउं तरइ । ताहे संतो तंतो पोलासपुराओ निक्खंतो ॥२५२॥
Jain Education International
For Private & Personal Use Only
www.jainelibrary.org
