________________
जून २००९
१५
तं सोऊण सो खुहिओ, धावइ तं पइ, सुरो गओ गयणे । खंभं आसाइत्ता कुणइ य कोलाहलं गरुयं ॥१४५।। तो भद्दा से माया समागया भणइ 'पुत्त ! किं एयं ? । सो भणइ सुरसरूवं तत्तो मायाएँ सो भणिओ ॥१४६।। उवसग्गो पुत्त ! इमो विहिओ केणवि ता तुम इण्हि । आलोयण-निंदण-गरहणाहिं सोहेसु वयभंगं ॥१४७।। चुलणीपिया वि पडिवज्जिऊण जणणीए चोयणं सम्म । आलोयण-निंदण-गरहणाहिं सोहेइ वयभंगं ॥१४८॥ सावयपरियायं सो परिवालेऊण वीस वासाई । काऊण मासमेगं पज्जते अणसणं विहिणा ॥१४९॥ सोहम्मे चउपलिओ अरुणप्पहविमाणअहिवई देवो । होउं महाविदेहे सिज्झिस्सइ खीणकम्ममलो ॥१५०॥
इति चुलिनीपिताकथानकं ॥छ। ३॥ ४ - [सिरिसुरादेवसावगकहाणयं]
वाणारसि जियसत्तू कोठें छक्कोडीपहू सुरादेवो । धन्ना भज्जा, सामी समोसढो धम्मगहणं च ॥१५१।। पडिमापडिवनस्स य देवागमणं च पुत्ततियगस्स । पंचेव मंससोल्ले काउं रुहिरेण सिंचेइ ॥१५२॥ तह वि हु तं अख़ुभियं नाउं पभणइ सोलसायंके । तुह देहम्मि खिविस्सं, खुभियं संबोहइ धन्ना ॥१५३।। सावयपरियायं सो परिपालिऊण वीस वासाई । काऊण मासमेगं पज्जंते अणसणं विहिणा ॥१५४।। सोहम्मे चउपलिओऽरुणकंतविमाणअहिवई देवो । होउं महाविदेहे सिज्झिस्सइ खीणकम्ममलो ।।१५५।।
___ इति सुरादेवकथानकं । छ ॥४॥ ५ - [ सिरिचुलसयगसावगकहाणयं] -
आलहिया जियसत्तू संखवणं, चुल्लसयग छक्कोडी । बहुला भज्जा, सामी समोसढो धम्मगहणं च ॥१५६।।
Jain Education International
For Private & Personal Use Only
www.jainelibrary.org
